ყოველწლიურად გაზაფხულის ბოლოს — ზაფხულის დასაწყისში იტალიაში მცხოვრები 30-მდე ადამიანი იღებს უფლებას თავის ტანსაცმელზე მიმაგრებული ატაროს სპეციალური მისაკერი (ნაშივკა), რომელსაც აქვს ჰერალდიკური ფარის ფორმა და გასდევს იტალიის ეროვნული სამი ფერის ვერტიკალური ხაზი. რა ეწოდება ამ მისაკერს?

ეს უნიკალური პროფესია განსაკუთრებით ფართოდაა გავრცელებული შრი-ლანკაში. როდესაც ამ ხალხს ეკითხებინ, “როგორია მათი სამუშაო?”, ისინი პასუხობენ: “აბა, თქვენ სცადეთ ქოქოსის კაკლის ნაჭუჭით 24 აგურის დამუშავება!”. რას წარმოადგენს ამ ხალხის სამუშაო?

ისინი მუშაობენ, როგორც მსოფლიოში საუკეთესო ილუზიონისტები და ჟონგლიორები. მათი მოძრაობები ზუსტი და მკაფიოა. ისინი მუდამ უნდა იღიმებოდნენ, ყურადღებით აკვირდებოდნენ გარემოს და არასოდეს არ უნდა ცდებოდნენ. მათი სამუშაო ჯოჯოხეთურ დაძაბულობას მოითხოვს, ამიტომ წესის თანახმად ისინი ყოველ ორ საათში უნდა შეიცვალონ. დაასახელეთ ისინი!

ჩილეს ნაპირებთან განლაგებული არქიპელაგ ხუან ფერნანდესის ორი კუნძული დიდი პოპულარობით სარგებლობს ტურისტებს შორის. ერთი კუნძული ატარებს რობინზონ კრუზოს სახელს. ვის სახელს ატარებს მეორე კუნძული?

ამჟამად ეს ადამიანი 51 წლისაა და საქვეყნოდაა ცნობილი. 13 წლის ასაკში კი მან დაარასა პირველი საკუთარი ფირმა და უწოდა მას “ფლეიმაუნთი”. რა გვარია ეს ადამიანი?

1933 წელს ა. ალიოხინმა ჩიკაგოში ჩაატარა ერთდროული თამაშის სეანსი აშშ-ის 32 უძლიერესი მოჭადრაკის წინააღმდეგ. მიუხედავად იმისა რომ ალიოხინმა აჩვენა მოკრძალებული შედეგი — 19 გამარჯვება, 9 ფრე, 4 დამარცხება — მან მაინც დაამყარა თავისებური რეკორდი. რაში მდგომარეობდა ეს რეკორდი?

ინგლისელებს აქვთ 2, გერმანელებს — 4, რუსებს — 6, ტაბასარანებს (პატარა ეთნიკური ჯგუფია დაღესტანში) — 46. რამდენი გვაქვს ჩვენ ქართველებს?

კარნეგი მელონის (პიტსბურგი, აშშ) უნივერსიტეტის კვლევით ცენტრში შექმნილი იქნა ორი რობოტი, რომლებიც უნდა ჩაუშვან ვულკან ერებუსის ყელში და ასე გამოიკვლიონ ვულკანების გავლენა დედამიწის ოზონის ფენაზე. რომელი ორი რეალურად არსებული ადამიანების სახელები მისცეს ამ რობოტებს?

კარლ ლინემ თავის დროზე კაცობრიობა დაყო 4 რასად: თეთრი, წითელი, ყვითელი და შავი. აი, ბლიუმენახმა კი 1775 წელს კაცობრიობა დაყო 5 რასად: კავკასიელები, მონღოლები, ეთიოპიელები, მალაიელები… კითხვა: დაასახელეთ მე-5 რასა ბლიუმენახის მიხედვით!

მსოფლიოს ბევრი ხალხებისათვის ის წარმოადგენდა ხანმოკლე სილამაზისა და აღორძინების სიმბოლოს. ჩინურ სიმბოლიკაში ის ამორალურობის სიმბოლოა, იაპონურში — არამუდმივობისა და თავქარიანობის. 1904 წლის 17 თებერვლის შემდეგ კი ერთი ევროპელის გამოისობით იგი ბევრისათვის სიყვარულისა და ერთგულების სიმბოლო გახდა. გაიხსენეთ ამ ევროპელის გვარი!