ნიუ-იორკის ერთ-ერთმა სატელევიზიო სტუდიამ დაიწყო სპეციალური გადაცემების გაშვება, რომელთა მეშვეობით სტუდია ეხმარება უძილობით დაავადებულ ხალხს. ამ გადაცემებში მონაწილეობს მხოლოდ ერთი მსახიობი. რას აკეთებს იგი გადაცემის დროს?

60-იანი წლების ბოლოს როკ-ჯგუფ ”როკეტზ”-ის კარიერაში მოხდა საკმაოდ დიდი მნიშვნელობის მქონე მოვლენა. ამ მოვლენის შემდეგ, ჯგუფის სოლისტმა თქვა: ”ახლა ჩვენ მთელი მსოფლიო უკანალს აგვილოკავს”-ო. რა მოვლენაზეა საუბარი?

რა გამოიგონა, ამერიკელი მწერლის ქრისტოფერ მორლის აზრით, ქალმა, რომელსაც ხშირად კოცნიდნენ შუბლში?

აინშტაინი თავმდაბლად ამბობდა საკუთარი თავის შესახებ: ”მე არავითარი ტალანტი არ გამაჩნია. მე მაქვს მხოლოდ ის, რაც ყველა ბავშვს ახასიათებს”. მაშ, რომელმა თვისებამ გახადა აინშტაინი დიდ მეცნიერად?

ვაშინგტონი, ჯეფერსონი, ლინკოლნი, ჰამილტონი, ჯექსონი, გრანტი… დაასახელეთ ამ თანმიმდევრობის მომდევნო წევრი.

როდესაც აინშტაინი 72 წლის გახდა, გადაწყვიტეს რომ მისი დაბადების დღეს მისთვის სურათი გადაეღოთ. რა გააკეთა ფარდობითობის თეორიის ავტორმა, როდესაც იგი კადრში მოხვდა?

ეს ყველასათვის გარგად ცნობილი სიტყვა ძველი ბერძნული წარმოშობისაა. შუა საუკუნეებში ის ლათინურ ენაში მოხვდა, იქიდან კი პოლონურში. საიდანაც რუსულში და, სავარაუდოთ, რუსულიდან ქართულ ჟარგონში. ახლა კი შეეცადეთ უპასუხოთ კითხვას, რა სიტყვას ხმარობენ პოლონელები ”დასვრილი ქაღალდის ნაგლეჯის” აღსანიშნავად?

ერთხელ დამწყებმა მეცნიერმა სთხოვა ლანდაუს ეჩუქებინა მისი სტატია რაიმე გონებამახვილური წარწერით. ლანდაუმ აიღო სტატიის ასლი და დააწერა: ”ასპირანტ შირმანს …” დაასრულეთ ეს წარწერა.

აბრაამ ლინკოლნი ამბობდა: ”თვალთმაქცი მე მაგონებს ადამიანს, რომელმაც მოკლა მშობლები და სასამართლოს თხოვს შეწყნარებას იმის საფუძველზე, რომ იგი …” დაასრულეთ ფრაზა.

დაასრულეთ სტანისლავ ეჟი ლეცის სიტყვები: ”სიცოცხლე მავნებელია, იგი იწვევს …”