1987 წელს დიდ ბრიტანეთში ჩატარდა სოციოლოგიური გამოკითხვა, რომლის ერთ-ერთი კითხვა იყო შემდეგი: "დაასახელეთ ყველაზე ცნობილი ხომალდი". მეორე ადგილი ჯეიმს კამერონის ფილმამდე 10 წლით ადრე დაიკავა "ტიტანიკმა", მესამე ადგილი — "მფრინავმა ჰოლანდიელმა". რომელმა ინგლისურმა ხომალდმა 1987 წელსაც კი დაიკავა პირველი ადგილი?

რომელი ქვეწარმავლის სახელი დაერქვა ამ საუკუნის შუაში შექმნილი კოპენჰაგენელი, ბრიუსელელი და ამსტერდამელი მხატვრების გაერთიანებას?

წყნარ ოკეანეში მობინადრე ერთ-ერთ მოლუსკს ქვია ლამაზი სახელი "არისტოკრატი". მას აქვს ისეთი რამ, რითიც იგი გამოირჩევა ყველა სხვა ცოცხალი არსებისაგან და რაც ნაწილობრივ გამოიხატება მის სახელში. რა არის ეს?

თქვენს წინაშეა ქვეყნების სია:
1 — მაროკო
2 — პანამა
3 — ერაყი
4 — ახალი ზელანდია
5 — ჰონდურასი
6 — ავსტრალია
7 — ვენესუელა
რა პრინციპით არის შედგენილი ეს სია?

აშშ-ს ზოგიერთ შტატში ამ ბოროტმოქმედების ჩადენის მცდელობისათვის ჩვეულებრივ სჯიან. მიუხედავად ამისა, ყველა ის, ვისაც წარმატებით ჩაუდენია ეს ბოროტმოქმედება, დარჩა დაუსჯელი. რა ბოროტმოქმედებაზეა საუბარი?

აღადგინეთ ამ დაუსრულებელი რიცხვობრივი თანმიმდევრობის დასაწყისი:
… 159265358979 …

ვახტანგოვის სახელობის თეატრში გადიოდა "ანა კარენინა". სპექტაკლი გამოვიდა ძალიან გრძელი, 5 საათიანი. პრემიერის დროს, სადღაც მე-4 საათის ბოლოს მოხუცმა ებრაელმა ჩაჩურჩულა გვერდზე მჯდარ გრიგორი გორინს: "იცით, მე ცხოვრებაში არასოდეს ასე დიდხანს არ ველოდი …" რას?

ადამიანთა რომელი ჯგუფის ჩამოსვლას მიეძღვნა 1998 წლის ზაფხულში გაზეთ "იზვესტია"-ში გამოქვეყნებული სტატია სახელწოდებით "ქვათაცვენის მოლოდინში"?

ლეგენდის მიხედვით, ერთხელ სერ ჰიუ ბივერი, რომელიც ლუდისსახარში კომპანიის ხელმძღვანელი იყო, სანადიროდ მეგობრებთან ერთად წავიდა. იგი ცნობილი იყო, როგორც კარგი მსროლელი და ამიტომაც ძალზედ შერცხვა, როდესაც ერთ პატარა ჩიტს ესროლა და ააცილა. მან მეგობრებთან თავი იმით იმართლა, რომ ეს ჩიტი მსოფლიოში ყველაზე სწრაფად დაფრინავსო. რა ერქვა მის ლუდისსახარშ კომპანიას?

დაასახელეთ წლის სიზუზტით, თუ რამდენი წელი გავიდა შემდეგ ორ თარიღს შორის: ჩვ. წ. აღ-მდე 16 წლის 17 აპრილიდან ჩვ. წ. აღ. 86 წლის 17 აპრილამდე.