ამ მაჩვენებლით ბოცვერი კურდღელს 2,5-ჯერ ჩამორჩება. ადამიანს ეს ვირზე მესამედით მცირე აქვს, ხოლო ყველაზე დიდი მაჩვენებელი სპილოს ეკუთვნის. რას აღნიშნავს ეს მაჩვენებელი?

სიყვითლე, ნდობა, პლასტიკა. ამ სამი სიტყვიდან ერთ-ერთი გადათარგმნეთ ლათინურად, აწარმოეთ მიღებული არსებითი სახელებისგან ზედსართავი სახელები და დაასახელეთ, თუ რა სატყვა აერთიანებთ მიღებულ ეპითეტებს.

მისი დაბადება ძალიან სწარაფდ მოხდა — სულ რამოდენიმე კვირაში. დაახლოებით 3 წლის ასაკში იგი თავში ჩაუდგა 9 შვილიან ოჯახს. ამ ცხრიდან ზოგიერთი თავის მხრივ წარმოადგენს ოჯახის თავს, თანაც ზოგი საკმაოდ მრავალრიცხოვანის. დღეს კი მისი ასაკი 60-65 წელი იქნება. დაასახელეთ იგი.

ერთი ანეკდოტის თანახმად, საპატენტო ბიუროში მიიტანეს გამოგონება, რომელიც კედელში გასვლის საშუალებას იძლეოდა. რა ერქვა ამ გამოგონებას?

ბრიტანეთში 1878-1896 წლებში მოქმედი კანონის შესაბამისად, ქუჩაში შეიძლებოდა დაგენახათ წითელი დროშებით ხელში მიმავალი ადამიანები. რისი დანახვა შეიძლებოდა მათგან რამოდენიმე მეტრში?

კენ კიზის რომანში “ვიღაცამ გუგულის ბუდეს გადაუფრინა” ფსიქიატრიული საავადმყოფოს ორი პაციენტი მაკმერფი და ჰარდინგი კამათობენ, თუ რომელი მათგანი უფრო მეტად გიჟია:
მაკმერფი: — მე ისეთი შეშლილი ვარ, რომ ხმა ეიზენჰაუერს მივეცი.
ჰარდინგი: — მე კი ისეთი შეშლილი ვარ, რომ ეიზენჰაუერს ორჯერ მივეცი ხმა.
მაკმერფი: — მე კიდევ ისეთი შეშლილი ვარ, რომ…
დაასრულეთ მისი რეპლიკა.

ჩვენ ამას, ჩვეულებრივ, დღეში მინიმუმ ერთხელ მაინც ვაკეთებთ. მიკი მაუსი კი ერთ-ერთ ფილმში ამბობს, რომ არითმეტიკის ცოდნა ნიშნავს შეგეძლოს ოცამდე ისე დათვლა, რომ ეს არ გააკეთო. რაზეა საუბარი?

მეხიკოში XX საუკუნის 30-იან წლებში შეიმუშავეს ახალი პროექტი, რომლის მიზანი იყო ლოთების რიცხვის შემცირება. ყოველ ქუჩაში მიმავალ მთვრალს და მის გამოსაფხიზლებელში მიყვანის პროცესს სპეციალურად დაქირავებული კინოოპერატორები იღებდნენ. გამოფხიზლების შემდეგ მას ჩანაწერს აჩვენებდნენ. რას აკეთებდნენ მაშინ, როდესაც ეს ზომა საკმარისი არ ხდებოდა და ის ადამიანი კიდევ დათვრებოდა?

“ტეტჩერი თავის მშობლებთან წავიდა კონსტანტინოპოლში, და ჩემს ცხოვრებაში კარგი და გასახარი აღარაფერი დარჩა…” ვისი ნაწარმოებიდანაა ეს ციტატა?

მიუხედავად იმისა, რომ ეინშტეინის სიკვდილის მომენტში მასთან რამოდენიმე ადამიანი იმყოფებოდა, ჩვენთვის მაინც უცნობია მისი უკანასკნელი სიტყვები. მან ეს სიტყვები საკმაოდ ხმამაღლა და გარკვევით წარმოსთქვა. მაშინ, რატომ არ ვიცით ჩვენ მათი შინაარსი?