კანადაში, საყოფაცხოვრებო ნივთების მაღაზიებში ცოტა ხნის წინ გამოჩნდა მოწყობილობა, რომელიც წარმოადგენდა დაახლოებით 10 სმ სიგრძის პრიზმას და რომლის ერთ-ერთი შიგნითა წახნაგი წებოვანი იყო. ამ მოწყობილობის ინსტრუქციაში სხვა რჩევებთან ერთად მითითებული იყო შემდეგი: “წარმატებულად გამოყენების შემდეგ, რეკომენდირებულია გაიტანოთ მოწყობილობა გარეთ და …” დაასრულეთ რჩევა.

ევროპელებმა მის შესახებ მარკო პოლოს წყალობით შეიტყვეს. ცნობილია, რომ მისგან ავეჯსაც ამზადებდნენ. შუა საუკუნეების ევროპაში მისგან დამზადებული საქონელი საკმაოდ ძვირად ფასობდა. მას ძვირფასი ქვების ფასი ედო და ამოტომაც ხშირად ოქროშიდაც კი სვამდნენ. რაზეა საუბარი?

ნათელ ღამეში, ვარსკვლავებს შორის შეიძლება გაარჩიოთ რძისფერი ფართე ზოლი. ჩვენ მას ირმის ნახტომს ვუწოდებთ, ხოლო ინგლისურად, რუსულად და კიდევ მრავალ ენაზე მისი სახელწოდება ჟღერს, როგორც “რძიანი გზა”. ეხლა კი, გადათარგმნეთ “რძიანი გზა” ძველბერძნულად.

როგორც წესი, მამაკაცთა ეს დაახლოებით 25 გრამს იწონის, ხოლო ქალების — 15-ს. ეტიკეტის თანახმად მისი ხალხში გამოჩენა არ არის რეკომენდირებული, მაგრამ თუ მაინც დადგება მისი ხმარების აუცილებლობის საკითხი, იგი მაქსიმალურად შეუმჩნევლად და უხმაუროდ უნდა გამოიყენოთ. რაზეა საუბარი?

ანეკდოტი: სამშობიარო. დაიბადა ბავშვი, მაგრამ ტირილის მაგივრად სიცილით კვდება. ყველა გაკვირვებულია, მას ვერავინ აწყნარებს. ბოლოს ექიმმა შენიშნა, რომ ბავშვს ხელი მომუშტული ჰქონდა და რაღაც ეჭირა. დიდი წვალების შემდეგ ხელი გაუხსნეს და იქ… რა ეჭირა ბავშვს ხელში?

გინესის რეკორდების წიგნის თანახმად, ყველაზე დიდი კაბა შეკერილ იქნა 1986 წელს. მასზე დაიხარჯა რამოდენიმე კილომეტრი სიგრძის ქსოვილი და მისმა წონამ საბოლოოდ 453,6 კილოგრამი შეადგინა. “ვისთვის” იყო განკუთვნილი ეს კაბა?

ამოცანა: ერთი წყვილი ფეხსაცმლისთვის მაღაზიაში გადაიხადეს 70 ლარი და პლუს მთლიანი ღირებულების ნახევარი. რა ღირდა ფეხსაცმელი?

დაასრულეთ ალბერტ აინშტაინის ცოლის სიტყვები: “ჩემს ქმარს ყველაფრის კეთება შეუძლია, გარდა…” გარდა რისა?

1876 წელს ერთ გაზეთში გამოჩნდა ასეთი განცხადება: “პარიზში მცხოვრებ ასაკოვან ჯენტლმენს სურს დაიქირავოს სრულწლოვანი ქალბატონი, რომელიც იქნება მისი მდივანი და მარჯვენა ხელი”. ბერტა კლინსკიმ, რომელიც იმ პერიოდში ვენაში მუშაობდა, გადაწყვიტა მიეღო ეს წინადადება და პარიზში გადავიდა. მაგრამ მუშაობის სამი კვირის შემდეგ სამშობლო მოენატრა და უკან დაბრუნდა. მალე მან დაიწყო მიმოწერა მსოფლიოში მშვიდობის თემაზე პარიზში მცხოვრებ ჯენტლმენთან, რომელთანაც მან პარიზში ყოფნისას ბევრი საერთო გამონახა. ამ ქალბატონს რამოდენიმე საინტერესო პროექტი ჰქონდა მშვიდობის დამყარებასთან დაკავშირებით და ჯენტლმენმაც მისი ფინანსურად დახმარება გადაწყვიტა. და მისი სიკვდილიდან 9 წლის შემდეგაც კი ბერტამ კვლავ მიიღო მისგან ფულადი დახმარება. რა ფორმით მიიღო მან ფული?

ონონელი ტუნგუსები თვლიან, რომ მთელს დედამიწაზე ხეების რაოდენობის დათვლა პირდაპირ თქვენი სახლთანაც შეგიძლიათ, მთავარია მოთმინება გეყოთ. რა უნდა დათვალოთ თქვენ, რათა გაიგოთ, თუ რამდენი ხეა დედამიწაზე?