ბერნარდ შოუს აზრით, ბევრი მწერლის მთავარი უბედურება ის არის, რომ მათი ნაწარმოებების ეს ორი რამ ძალიან შორს არიან ერთმანეთისგან. დაასახელეთ ეს ორი რამ.

სუფრის დანები, რომელიც საჭმლის ჭამისას გამოიყენება ხმარებაში შემოიღო კარდინალმა რიშელიემ. მან გამოსცა ბრძანება იმის შესახებ, რომ სუფრის დანებს აუცილებლად მომრგვალებული თავი უნდა ჰქონოდათ და არა წვეტიანი, რადგან… რატომ?

XX საუკუნის 50-იანი წლების ბოლოს საბჭოთა ხელისუფლებას გეგმაში ჰქონდა მარსზე გაფრენის პროექტი. წითელვარსკვლავიანი პილოტირებადი ვარსკვლავთმფრენი უნდა დაშვებულიყო მარსის ზედაპირზე და იქ აღემართა წითელი დროშა… რა ერქვა ამ პროექტს?

მისი ხვედრი ძალიან მძიმეა. მის სამყოფელში ბალახიც კი ძნელად ხარობს. მას მეგობრები ხშირად აქცევენ ზურგს. მაგრამ, მიუხედავად ყველაფერი ამისა, თითქმის ყოველთვის იგი მაინც ნომერ პირველია. ვინ არის ის?

ერთ რომაელ ელჩს ერქვა პომპეი სენეციუს როსციუმ მურენ სექსტ იულიუს ფრონტინ სილიუს დენციან გაი ევრიტ ჰერკულანიუს ვიბულიუს ვალენტ ნიგერ კლავდიუს საქსა ურუტიან სოსიუს პრისკი. რომაულ კალენდარში მისი სახელი იწერებიდა ასე: პომპეი სენეციუს… რა მოდიოდა შემდეგ?

არისტოტელე თვლიდა, რომ ამ ორ მეცნიერებას ერთმანეთთან საერთო არაფერი არ ჰქონდა, რადგან ერთი მათგანი შეისწავლიდა უცვლელ რამეებს, ხოლო მეორე — ცვალებადს. დაასახელეთ ეს ორი მეცნიერება.

გადათარგმნეთ ლათინურად “მჩუქნელი, მიმცემი”.

ინგლისელმა სელექციონერმა ფოლკნერმა ყურადღება მიაქცია იმ ფაქტს, რომ კარგი იქნებოდა, თუ ცდებში გამოყენებულ გარკვეულ ცხოველთა ჯგუფს გაუზრდიდა იმ ორგანოს, რომელზეც მეცნიერები საკმაოდ ხშირად ატარებენ ბიოლოგიურ ექსპერიმენტებს. რამოდენიმე თვიანი მუშაობის შედეგად მან მიაღწია იმას, რომ ამ ორგანოს სიგრძე 45 სმ-მდე გაეზარდა. რომელ ცხოველსა და ორგანოზეა საუბარი?

ზოგიერთი მეცნიერის აზრით, ყველაზე სახიფათო და მავნე ბგერებია ფ, პ, ტ, დ და ს. მათი ლოგიკის მიხედვით, რითი არიან ეს ბგერები საშიშნი ჩვენთვის?

1800 წელს იაპონიის ნაპირებთან ახლოს ჩაიძირა გემი, რომელიც ფასდაუდებელი საიმპერატორო ფაიფურით იყო დატვირთული. ასი წლის შემდეგ ძვირფასი ვაზების უმეტესობა ადგილობრივმა მეთევზეებმა ამოიტანეს. ისინი სახელმწიფომ საკმაოდ დიდი ფულით დააჯილდოვა, მაგრამ მათ ამ ფულიდან თავიანთ დამხმარეებს არაფერი მისცეს. “ვინ” ეხმარებოდა მათ ვაზების ამოღებაში?