თბილისის 36-ე ჩემპიონატი
II ტური
სუპერ ლიგა
23 მარტი, 2008
-
შეკითხვა #638 © ვახო ელერდაშვილი
1990 წელს უილიამ სტეიგმა დაწერა და დაასურათა წიგნი. წიგნის მთავარი პერსონაჟის სახელი მან აიღო გერმანული სიტყვიდან, რომელიც ქართულად ითარგმნება როგორც „ძრწოლა“. მიუხედავად მისი თვინიერი ხასიათისა, ეს პერსონაჟი მართლაც რომ შიშს და ძრწოლას თესავს ყველგან წიგნში მოთხრობილი მთელი ამბის განმავლობაში, თუმცა საბოლოოდ მას მაინც ეწვევა სიყვარული და ამბავიც კეთილად მთავრდება. დაასახელად ამ პერსონაჟის სახელი.
პასუხი: შრეკი კომენტარი: სწორად ამ საბავშვო წიგნის საფუძველზე შეიქმნა შემდეგ მულტ-ტრილოგია წყარო: en.wikipedia.org/wiki/Shrek ბმული: http://moazrovne.net/q/638პასუხი
-
შეკითხვა #639 © ვახო ელერდაშვილი
ამ პარამეტრით მთელ მსოფლიოში მეორე ადგილზეა ირანი, რომლის რიცხვითი მაჩვენებელი მერყეობს 5-სა და 6 მილიონს შორის. მესამეზე – ერაყი 4-დან 5-მილიონამდე მაჩვენებლით. მეოთხეზე – სირია 2-დან 3 მილიონამდე მაჩვენებლით. მე არ გეკითხებით თუ რას აღნიშნავენ ეს რიცხვები. დამისახელეთ ქვეყანა, რომელიც იმყოფება ამ სიაში პირველ ადგილზე და რომლის რიცხვითი მაჩვენებელი აჭარბებს 15 მილიონ ერთეულს.
პასუხი: თურქეთი კომენტარი: საუბარია ქურთების განაწილებაზე ქვეყნების მიხედვით წყარო: en.wikipedia.org/wiki/Kurds ბმული: http://moazrovne.net/q/639პასუხი
-
შეკითხვა #640 © ვახო ელერდაშვილი
1967 წლის 21 ივნისს აშშ-ს საპატენტო ბიუროს მიერ გაცემულ იქნა პატენტი ახალი მოწყობილობის შექმნისათვის. რაც არ უნდა გასაკვირი იყოს, საავტორო უფლების დამადასტურებელ ოფიციალურ დოკუმენტში ის სახელი, რომლითაც ცნობილია ეს მოწყობილობა, მოხსენიებული არ არის. თუმცა, ის ფიგურირებს გასული საუკუნის 20-იან წლებში შექმნილი პერსონაჟის სახელში, რომლის ნამდვილი სახელი მინერვა გახლავთ. დაასახელეთ ეს პერსონაჟი.
პასუხი: მინი მაუსი კომენტარი: მოწყობილობა არის კომპიუტერის მაუსი წყარო:- Charles Petzold, Programming Windows with C#, 2002, chapter 8.
- en.wikipedia.org/wiki/Minnie–Mouse
პასუხი
-
შეკითხვა #641 © ვახო ელერდაშვილი
ალბერტ შვაიცერი ამბობდა, რომ არსებობს ორი საშუალება ამქვეყნიური გაჭირვებისგან თავის ასარიდებლად, ეს არის მუსიკა და ისინიო. ისინი ფიგურირებენ მუსიკალური ნაწარმოების სათაურში, რომლის პრემიერაც გაიმართა ლონდონში 1981 წლის 11 მაისს. დაასახელეთ ამ მუსიკალური ნაწარმოების ავტორი.
პასუხი: ენდრიუ ლოიდ ვებერი კომენტარი: საუბარია კატებზე და ენდრიუ ლოიდ ვებერის მიუზიკლზე "The Cats" წყარო: ბმული: http://moazrovne.net/q/641პასუხი
-
შეკითხვა #642 © ვახო ელერდაშვილი
ამ პარამეტრით მეორე პოზიციაზე იმყოფებიან განიმედე, კალისტო, იო და ევროპა. მესამე ადგილი უკავია ტიტანს, მეოთხე – იაპეტს, მეხუთე კი – რეას. თუ მიხვდით რა პრინციპით არიან ცხრილში განლაგებული ეს ციური სხეულები, დაასახელეთ რომელი ციური სხეული იკავებს პირველ პოზიციას.
პასუხი: მთვარე კომენტარი: მზის სისტემის პლანეტების ყველაზე ადრე აღმოჩენილი თანამგზავრი, განიმედე, იო, ევროპა და კალისტო აღმოაჩინა გალილეიმ 1610 წელს, ტიტანი ჰერშელმა – 1655 წელს, ტიტანი – 1671 წელს და რეა – 1672 წელს წყარო: en.wikipedia.org/wiki/List_of_moons_by_diameter ბმული: http://moazrovne.net/q/642პასუხი
-
შეკითხვა #643 © ვახო ელერდაშვილი
თქვენს წინაშეა დათო ევგენიძის პოეტური მინიატურა:
„გეუბნები რომ მიყვარხარ
მეასეჯერ!
X Y Z
არასოდეს მყვარებიხარ!“.
აღადგინეთ სამი გამოტოვებული სიტყვა «X, Y, Z» ნაცვლად!პასუხი
-
შეკითხვა #644 © ვახო ელერდაშვილი
ეს ორი სიტყვა აგერ უკვე ნახევარი საუკუნეა აქტიურად გამოიყენება ისრაელ-პალესტინის კონფლიქტის მოგვარების საქმეში. პაციფისტური იდეებით გამსჭვალული და რეგიონში მშვიდობის დამყარების მსურველი პირები ამ სიტყვების საშუალებით მიუთითებენ მათ „ბუკვალურ” მნიშნველობაზე და აცხადებენ – ისევე როგორც მათ აქვთ ერთი წარმომავლობა, ასევე ებრაელ და პალესტინელ ხალხსაც საერთო წარსული აქვსო. ასევე აღსანიშნავია ისიც, რომ ისრაელ-პალესტინური პაციფისტური შეხვედრები სიმბოლურად, და არა მხოლოდ სიმბოლურად, იწყება სწორად ამ ორი სიტყვით. დაასახელეთ ორივე თუ მათი „ბუკვალური“ მნიშვნელობა მე უკვე ვახსენე კითხვის წაკითხვის პროცესში.
პასუხი: სალაამ და შალომ – სალამი და შალომიც მიიღება კომენტარი: ერთი არაბულად ნიშნავს „მშვიდობას” და მეორე ივრითზე, ორივე წარმოადგენენ მისალმების სიტყვებს წყარო: en.wikipedia.org/wiki/Peace–symbol ბმული: http://moazrovne.net/q/644პასუხი
-
შეკითხვა #645 © ვახო ელერდაშვილი
კანადელი ასტრონომის, დევიდ ლევის აზრით «ისინი კატებს ჰგვანან, იქცევიან ისე, როგორც მოესურვებათ და მათაც, კატების მსგავსად გააჩნიათ იქსი». იქსი ფიგურირებს ზედსართავ სახელში, რომლითაც დავით კლდიაშვილი ახასიათებს საკუთარ პერსონაჟებს, აღწერს რა აზნაურებს, რომელთაც არაფერი გააჩნიათ და მაინც თავის გვარიშვილობას და წარსულ დიდებას არ ივიწყებენ. მე არ გეკითხებით არც იმას, თუ რის შესახებ თქვა დევიდ ლევიმ ეს სიტყვები და არც იმას თუ რა არის იქსი. დამისახელეთ ზედსართავი სახელი.
პასუხი: კუდაბზიკა კომენტარი: იქსი არის კუდი, ასტრონომი საუბრობდა კომეტებზე წყარო: sandtracker.tripod.com/Cats3.html ბმული: http://moazrovne.net/q/645პასუხი
-
შეკითხვა #646 © ვახო ელერდაშვილი
სემაფორულ ანბანში ინგლისური ანბანის მეთოთხმეტე ასო გამოისახება ორი დროშით, როდესაც მარცხენა და მარჯვენა ხელი, ორივე დაბლაა დაშვებული მხრების დონეზე. ინგლისური ანბანის მეოთხე ასო კი გამოისახება ორი დროშის საშუალებით, როდესაც მარჯვენა ხელი მაღლაა აწეული, მარჯვენა დაბლა და ორივე ხელი ერთმანეთთან გაშლილ კუთხეს ადგენენ. ამ ორი სიმბოლოს და კიდევ ერთი მარადიული სიმბოლოს გაერთიანებით 1958 წლის თებერვალში ჯერალდ ჰოლტომმა შექმნა ახალი სიმბოლო, რომელიც ერთი წუთის შემდეგ თქვენ უნდა გამოსახოთ თქვენს ფურცლებზე.
პასუხი: საუბარია ბირთვული განიარაღების სიმბოლოზე კომენტარი: მეთოთხმეტე ასო არის "N", მეოთხე – "D", ორივე ერთად წარმოადგენენ Nuclear Disarmament-ის აბრევიატურას. საუბარია წრეში ჩახატულ «ქათმის ფეხზე» – როგორც მას ასე ხშირად მოიხსენიებენ. ბმული: http://moazrovne.net/q/646პასუხი
-
შეკითხვა #647 © ვახო ელერდაშვილი
იქსი გასული საუკუნის 50-იან წლებში ავსტრიული წარმოშობის ამერიკელმა, რობერტ ადლერმა შექმნა. აშშ-ს ერთ-ერთმა კვლევითმა ცენტრმა ჩაატარა გამოკვლევა, რომლის მიხედვითაც გაირკვა, რომ დღესდღეობით ყოველ ამერიკულ ოჯახში საშუალოდ არის 4 იქსი, სხვა მონაცემებით ეს რიცხვი 5-ს და 6-საც კი აღწევს. თითოეული იქსი კი – საშუალოდ შეიცავს 30-დან 50 იგრეკამდე. დაასახელეთ იქსიც და იგრეკიც.
პასუხი: იქსი – დისტანციური მართვის პულტი, იგრეკი – ღილაკი ბმული: http://moazrovne.net/q/647პასუხი
-
შეკითხვა #648 © ვახო ელერდაშვილი
ასწლიანი ომის დროს, აზენკურის ბრძოლის წინ, 1415 წლის ოქტომბერში, ფრანგები იქადნებოდნენ, რომ ინგლისელთა მშვილდოსნებს, მას შემდეგ რაც ისინი ფრანგების ტყვეობაში ჩავარდებოდნენ, მოკვეთდნენ სხეულის იმ ნაწილს, რომელიც ბრძოლაში მათთვის ყველაზე ძვირფასი იყო. როგორც მოგეხსენებათ ბრძოლა ფრანგების გამანადგურებელი მარცხით დასრულდა. ლეგენდის თანახმად სწორად ამ ბრძოლის შემდეგ, ინგლისელები ჩადიან ქმედებას, რომელიც პირადად ჩემთვის (კითხვის ავტორისათვის) ასოცირდება ქალის სახელთან. დამისახელეთ ქალის ეს სახელი.
პასუხი: ვიქტორია კომენტარი: საუბარია საჩვენებელი და არათითებით გამარჯვების მიმანიშნებელ ჟესტზე „ვიქტორიზე“, ზუსტად ამ თითებს იყენებდნენ ინგლისელი მშვილდოსნები სროლის დროს წყარო: en.wikipedia.org/wiki/V-sign ბმული: http://moazrovne.net/q/648პასუხი
-
შეკითხვა #649 © ვახო ელერდაშვილი
მოისმინეთ შოთა ამირანაშვილის პოეტური მინიატურა: „– ამ ბოლო დროს დავალებებს, რატომ არ წერ გოჩა? – ავად არის პაპაჩემი, ვერა და ვერ მორჩა“. განვაგრძოთ შეკითხვა – 2008 წლის მარტში, ვილიარეალთან მატჩის შემდეგ, ბარსელონას მცველმა, აბიდალმა თავის ინტერვიუში განაცხადა, რომ დაღლილობა არასოდეს არ არის ის, რაც ეწოდება ამ პოეტურ მინიატურას. დაასახელეთ მისი სათაური ორი სიტყვით.
პასუხი: საპატიო მიზეზი კომენტარი: ვილიარეალთან ბარსელონა დამარცხდა საკუთარ მოედანზე 1-2 წყარო: barcamania.ge/?p=185 ბმული: http://moazrovne.net/q/649პასუხი
-
შეკითხვა #650 © ვახო ელერდაშვილი
2007 წლის ივნისში დიდი რვიანის წევრი ქვეყნების პრეზიდენტების სამიტის წინ, მიხეილ სააკაშვილი ვლადიმირ პუტინთან შესახვედრად რუსეთს ეწვია. ორი მეზობელი სახელმწიფოს პრეზიდენტს უნდა ემსჯელათ აფხაზეთისა და ე.წ. სამხრეთ ოსეთის, სავიზო რეჟიმის, ენერგო ბლოკადის, ღვინის ექსპორტის და მრავალი სხვა დღემდე მოუგვარებელი პრობლემის შესახებ. ამ ვიზიტთან დაკავშირებით გაზეთ «24 საათში» დაჩი ღირსიაშვილმა გამოაქვეყნა სტატია, რომლის სათაურიც ემთხვევა 1996 წელს შექმნილი ფილმის სახელწოდებას. დაასახელეთ ამ ფილმის სათაური.
პასუხი: "შეუძლებელი მისია" (Mission impossible) ბმული: http://moazrovne.net/q/650პასუხი
-
შეკითხვა #651 © ვახო ელერდაშვილი
ზოგიერთი ისტორიკოსი ფეოდალური ხანის და ზოგადად რაინდების ეპოქის დასაწყისად ასახელებს თარიღს, ჩვ. წ.–ის 450 წელს (მე–5 საუკუნე), როდესაც დამპყრობელი მომთაბარეების წყალობით ეს გამოგონება ევროპაში მოხვდა. დაასახელეთ ეს გამოგონება, თუ პირველად მის შესახებ შეკითხვის ავტორმა სკოლაში, რუსულის გაკვეთილზე შეიტყო, როდესაც მოუხდა გამონაკლისი არსებითი სახელების დაზუთხვა.
პასუხი: უზანგი კომენტარი: რუსულად - стремя, რომელიც საშუალო სქესისაა და გამონაკლისს წარმოადგენს, ისევე როგორც время, вымя, имя, племя, бремя, знамя, пламя, семя, темя – სულ ასეთი არსებითი სახელი რუსულ ენაში ათია წყარო:- en.wikipedia.org/wiki/Stirrup
- Science and its times: understanding the social significance of scientific discovery / Neil Schlager, editor, Gale Group, 2001, p. xviii
პასუხი
-
შეკითხვა #652 © ვახო ელერდაშვილი
მარლენ დიტრიხი ამბობდა რომ იქსი ჩემი საფირმო პროდუქტია, მე მას ჩემს გამოსვლებში ვყიდი და ის ძალიან ძვირი ღირსო. იგრეკის სიგრძე კი – ვიკიპედიის მტკიცებით 4444 კილომეტრია. დაასახელეთ ორივე თუ იგრეკი იქსის შემადგენელი ნაწილია.
პასუხი
-
შეკითხვა #653 © ვახო ელერდაშვილი
XX საუკუნეში ერთმა იტალიელმა განაცხადა: – მე რომ შემეძლოს მათი ყველა სახელის დამახსოვრება მაშინ ბოტანიკოსი გამოვიდოდიო. ისინი წარმოადგენენ 1990-იან წლებში დაწერილი რომანის სახელწოდებას. დაასახელეთ ამ რომანის სახელწოდება.
პასუხი: "ელემენტარული ნაწილაკები" კომენტარი: ასე განაცხადა ენრიკო ფერმიმ ელემენტარულ ნაწილაკებზე, ასევე ეწოდება 1998 წელს დაწერილ მიშელ უელბეკის რომანსაც – "ელემენტარული ნაწილაკები", რომელიც ქართულად თარგმნა გიორგი ეკიზაშვილმა წყარო:- en.wikipedia.org/wiki/The–Elementary–Particles
- Gaither's Dictionary of Scientific Quotations by Carl C. Gaither and Alma E. Cavazos-Gaither, Springer, 2007, p.1068
პასუხი
-
შეკითხვა #654 © ვახო ელერდაშვილი
ჯეისონ ლუისი 13 წლის განმავლობაში მოგზაურობდა დედამიწის გარშემო. ამასთან ის გადაადგილდებოდა მხოლოდ იმ საშუალებებით, რომლებიც მოძრაობაში მოდის ადამიანის კუნთების მეშვეობით. მან ველოსიპედის, წყლის ველოსიპედის, კანოეს, კატამარანის, გორგოლაჭების და ციგურების საშუალებით მოიარა ხუთი კონტინენტი და შინ მშვიდობით დაბრუნდა. დასახლებული პუნქტი, საიდანაც მან აიღო სტარტი და სადაც მან დაასრულა თავისი 13-წლიანი მოგზაურობა მსოფლიოს გარშემო არც-თუ შემთხვევით იყო შერჩეული. დაასახელეთ ეს დასახლებული პუნქტი და გაითვალისწინეთ, რომ მის სახელში სამი ერთნაირი ხმოვანია.
პასუხი: გრინვიჩი კომენტარი: მასზე გადის ნულოვანი მერიდიანი წყარო: en.wikipedia.org/wiki/Jason–Lewis–(adventurer) ბმული: http://moazrovne.net/q/654პასუხი
-
შეკითხვა #655 © ვახო ელერდაშვილი
მე–19–20 საუკუნეების მიჯნაზე მათი რაოდენობა მთელი მსოფლიო მასშტაბით ერთ მილიარდ ერთეულს აჭარბებდა, მათ შორის 250 ათას ერთეულს ითვლიდა ქალაქი პარიზი. ბუნებრივია, მათი ასეთი დიდი რაოდენობა გულისხმობდა გარკვეული კატეგორიის ადამიანების ჭარბი რაოდენობით არსებობასაც, რომელთა შესახებაც 1948 წელს გადაღებულ იქნა მხატვრული ფილმი. დაასახელეთ ამ ფილმის რეჟისორი.
პასუხი: ვიტორიო დე სიკა კომენტარი: საუბარია ველოსიპედებზე, ადამიანებზე – ველოსიპედების გამტაცებლებზე და ვიტორიო დე სიკას ფილმზე "ველოსიპედების გამტაცებლები" წყარო:- en.wikipedia.org/wiki/Bicycle–Thieves
- en.wikipedia.org/wiki/Bycicle
- Париж: история великого города / Колин Джонс, Москва, Эксмо, 2007, с. 552
პასუხი
-
შეკითხვა #656 © ვახო ელერდაშვილი
ფრანც კაფკა ჯერ კიდევ პირველ მსოფლიო ომამდე ამბობდა, რომ „იქსი არის სუსტი, მაგრამ ერთადერთი შანსი ტურისტისათვის, რომ სწრაფად და ჭეშმარიტად შეაღწიოს პარიზის გულში“. რაიმონ კენოს რომანის გმირისათვის, კი – იქსი წარმოადგენს პროვინციალის ყველა ფანტაზიის კვინტესენციას პარიზის შესახებ. დაასახელეთ ხუთასოიანი სიტყვა, რომელიც დაშიფრულია იქსით ამ კითხვაში.
პასუხი: მეტრო კომენტარი: რაიმონ კენოს რომანს ეწოდება "ზაზი მეტროში" წყარო: Колин Джонс / Париж : биография великого города, Москва, «Эксмо», с. 643 ბმული: http://moazrovne.net/q/656პასუხი
-
შეკითხვა #657 © ვახო ელერდაშვილი
ფარაონ ჯოსერის მმართველობის ხანამდე ეგვიპტელი ფარაონების სამუდამო განსასვენებელი ე.წ. მასტაბა იყო, რომელიც წარმოადგენდა გვერდებმომრგვალებულ, მართკუთხა პარალელეპიპედის ფორმის მიწაყრილს. მისი სიკვდილის შემდეგ არქიტექტორმა იმჰოტეპმა უარი თქვა არსებულ ტრადიციაზე. მან ექვსი, სხვადასხვა ზომის მასტაბა დააშენა ერთი-მეორეს და ასე გახდა ფარაონი ჯოსერი პირველი ეგვიპტური პირამიდის მარადიული ბინადარი. შედეგად მიღებული ნაგებობის გარეგნული იერის გათვალისწინებით ეგვიპტოლოგები მას სიმბოლურად უწოდებენ ისევე, როგორც ეწოდება 1970-იან წლებში შექმნილ მუსიკალურ ნაწარმოებს. დაასახელეთ ამ მუსიკალური ნაწარმოების სახელწოდება.
პასუხი: Stairway to Heaven კომენტარი: ჯოსერის პირამიდა ექვსი საფეხურისგან შედგება წყარო:- The Pyramid Age By Emmet John Sweeney, 2006, p.18
- en.wikipedia.org/wiki/Stairway–to–Heaven
პასუხი
- პაკეტის კომენტარები:
ყველა პასუხის გახსნა/დახურვა
