თბილისის 43-ე ჩემპიონატი
II ტური
IV ლიგა

• შეკითხვა #1694

  ძველი ინკების საგზაო სისტემა საკმაოდ განვითარებული იყო. ჰქონდათ ყველაფერი: გზის საფარი, კემპინგები, საგზაო ნიშნები... მაგრამ აღმართებზე გზები კიბეებად იქცეოდა, რაც იძლევა იმის დასკვნის საშუალებას, რომ ინკები არ იყენებდნენ ამას. რას?

  პასუხი: ბორბალს ბმული: http://moazrovne.net/q/1694

  პასუხი

• შეკითხვა #1695

  შვეიცარიელმა ჟან-ჟაკ ბაბელმა გამოითვალა, რომ ძვ.წ 3500 წლიდან დღემდე კაცობრიობამ მხოლოდ 292 წელი გაატარა მათ გარეშე. რის გარეშე?

  პასუხი: ომების ბმული: http://moazrovne.net/q/1695

  პასუხი

• შეკითხვა #1696

  ფრანგი მზარეულები კერძის მომზადების დროს, იმისთვის, რათა ეს კერძი უნიკალური გამოვიდეს, ხშირად იკიდებენ ხელს ყურის ბიბილოზე. რა არის ამის მიზეზი?

  პასუხი: ამოწმებენ ცომის სიმკვრივეს. კომენტარი: თვლიან, რომ ცომის იდეალური სიმკვრივე ყურის ბიბილოს სიმკვრივეს უნდა ემთხვეოდეს. ბმული: http://moazrovne.net/q/1696

  პასუხი

• შეკითხვა #1697

  მას გამოჩენისთავე ომი გამოუცხადეს. განსაკუთრებით ინგლისის მეფეს, იაკობ პირველს სძულდა. თურქეთის სულთნის, ამურატ მეოთხეს ბრძანებით ამის გამო სიკვდილით სჯიდნენ. შაჰაბაზ დიდის ბრძანებით, მას, ვისაც ამას აღმოუჩენდნენ, წვავდნენ ან ცხვირს და ტუჩებს აჭრიდნენ. რუსეთში მისი გავრცელება ინგლისელების დამსახურებაა, საქართველოში კი მე-17 საუკუნეში შემოვიდა თურქეთიდან. რაზეა საუბარი?

  პასუხი: თამბაქოზე ბმული: http://moazrovne.net/q/1697

  პასუხი

• შეკითხვა #1698

  ეს საერთაშორისო სიტყვა შედგება ორი ბერძნული სიტყვისგან, რომლებიც ითარგმნება, როგორც „მარტო“ და „ვყიდი“. დაასახელეთ ეს სიტყვა.

  პასუხი: მონოპოლია ბმული: http://moazrovne.net/q/1698

  პასუხი

• შეკითხვა #1699

  ბრიტანული კომედიის, Johnny English-ის სარეკლამო პოსტერზე საიდუმლო აგენტი სამი ფრაზითაა აღწერილი. 1) მან არ იცის რა არის შიში. 2) მან არ იცის რა არის საფრთხე. დაწერეთ მესამე ფრაზა.

  პასუხი: მან არაფერი იცის. ბმული: http://moazrovne.net/q/1699

  პასუხი

• შეკითხვა #1700

  ამ მტრებისგან თავდასაცავად კლდის ხვლიკები წრიულ ფორმას იღებენ. როდესაც თავდამსხმელი ვერ ახერხებს ვერც თავის და ვერც კუდის პოვნას, იგი გაწბილებული ბრუნდება უკან. რომელ მტრებზეა საუბარი?

  პასუხი: გველებზე კომენტარი: გველი დაუღეჭავად ყლაპავს მსხვერპლს. მან ხვლიკის ყლაპვა ან თავიდან უნდა დაიწყოს, ან კუდიდან და მსხვერპლი მთლიანად გადაყლაპოს. მისი დაგლეჯა გველს არ ძალუძს. ბმული: http://moazrovne.net/q/1700

  პასუხი

• შეკითხვა #1701

  თანამედროვე მეცნიერება ამას შეუძლებლად მიიჩნევს, მაგრამ ნორვეგიული ტომის, ხუას, სწამს, რომ მამაკაცს ეს მოუვა თუ მას ვინმე მოაჯადოებს ან თუ შეჭამს საჭმელს, რომელსაც შეეხო ქალი, რომელსაც კრიტიკული დღეები აქვს. რაზეა საუბარი? მაშ რა დაემართება ხუას ტომის აზრით ამ შემთხვევებში კაცს?

  პასუხი: დაფეხმძიმდება ბმული: http://moazrovne.net/q/1701

  პასუხი

• შეკითხვა #1702

  ტუნისში მდებარე ამ ზღაპრული მუზეუმის სახელწოდებაში ოთხნიშნა ციფრი ფიგურირებს. დაასახელეთ ეს მუზეუმი.

  პასუხი: ათას ერთი ღამის მუზეუმი ბმული: http://moazrovne.net/q/1702

  პასუხი

• შეკითხვა #1703

  ბერძნები და რომაელები ამას ატარებდნენ, რადგან ბარბაროსობად მიიჩნევდნენ. სამაგიეროდ მას ატარენდნენ კელტები, ფრიგიელები, სკვითები და ა.შ. ჩვენს დროში რომ მოხვერდილიყვნენ, ბერძნები და რომაელები ბარბაროსებად ჩაგვთვლიდნენ. რა არ მოეწონებოდათ მათ ჩვენს ჩაცმულობაში?

  პასუხი: შარვალი ბმული: http://moazrovne.net/q/1703

  პასუხი

• შეკითხვა #1704

  ითვლება, რომ ეს ევროპაში აზიიდან, ჩინეთიდან შეიტანეს. მას მაშინვე შეარქვეს „ვაშლი ჩინეთიდან“ და ზოგიერთ ქვეყანაში, მაგალითად გერმანიაში, ან რუსეთში მას დღესაც დაახლოებით იმავეს უწოდებენ. რაზეა საუბარი?

  პასუხი: ფორთოხალზე. კომენტარი: გერმ. – Apfelsine, (Apple, China) ბმული: http://moazrovne.net/q/1704

  პასუხი

• შეკითხვა #1705

  ძველ რომში აქ ხშირად მოჰქონდათ დიდი რაოდენობით წითლად შეფერილი ქვიშა. არ გეკითხებით რა იყო ქვიშის მოტანის მიზეზი, სად მიჰქონდათ ქვიშა?

  პასუხი: კოლიზეუმში კომენტარი: რათა ქვიშაზე სისხლი არ გამოჩენილიყო წყარო: www.bbc.co.uk/history/ancient/romans/colosseum_01. ბმული: http://moazrovne.net/q/1705

  პასუხი

• შეკითხვა #1706

  ამბობენ, რომ თემურ ლენგის აკლდამაში ორი წარწერა იყო გაკეთებული. ერთი გარედან: „როდესაც მკვდრეთით აღვდგები, სამყარო შეირყევა“ და მეორე აკლდამის შიგნით: „ვინც აკლდამას გახსნის, ჩემზე საშინელ დამყრობელს გამოუშვებს.“ თემურ-ლენგის ექსგუმაციას საბჭოთა ანთროპოლოგი, მიხაილ გერასიმოვი ხელმძღვანელობდა. რომელ წელს გახსნეს აკლდამა?

  პასუხი: 1941 კომენტარი: ალბათ უბრალო დამთხვევაა, მაგრამ აკლდამის გახსნიდან ორ დღეში გერმანიამ ოპერაცია ბარბაროსა დაიწყო. წყარო: en.wikipedia.org/wiki/Timur ბმული: http://moazrovne.net/q/1706

  პასუხი

• შეკითხვა #1707

  გასული საუკუნის ბოლოს ერთ-ერთ ბრიტანულ გაზეთში გამოქვეყნდა განცხადება: „ოცი წლის გოგონა კარგი ოჯახიდან, რომელსაც გააჩნია 2 მილიონი ფუნტი სტერლინგი, ოჯახის შემქნის მიზნით გაიცნობს წესიერ ყმაწვილს.“ როგორც მოგვიანებით გაირკვა, ზემოთხსენებული გოგონა უბრალო კოლექციონერი იყო. რას აგროვებდა ის?

  პასუხი: მარკებს კომენტარი: წერილები მთელი მსოფლიოდან მისდიოდა :) ბმული: http://moazrovne.net/q/1707

  პასუხი

• შეკითხვა #1708

  იგი მეოცე საუკუნის დასაწყისში, ქალაქ ტურინში დაიბადა. მან თავისი მოღვაწეობა უბრალო სარეკლამო აგენტად დაიწყო და რომ არა ერთი გენიალური იდეა, სიცოცხლეს სიღარიბეში დაასრულებდა. იმ დროს კალმები ძვირი ღირდა. სწორედ ასეთი დიდი საფასურისგან თავის ასარიდებლად დაებადა მას იდეა ეწარმოებინა ერთჯერადი საწერი კალმები. ჩანაფიქრმა გაამართლა და მისმა კომპანიამ ზრდა დაიწყო. ცოტა ხნის შემდეგ მან ერთჯერადი წვერის საპარსისა და კიდევ ერთი ნივთის წარმოება დაიწყო, რის შემდეგაც მულტიმილიონერი გახდა. დაასახელეთ მესამე პროდუქტი.

  პასუხი: სანთებელა კომენტარი: საუბარია მარსელ ბიკზე, კომპანია bic-ის დამაარსებელზე. ბმული: http://moazrovne.net/q/1708

  პასუხი

• პაკეტის კომენტარები: