თბილისის 42-ე ჩემპიონატი
VI ტური
IV ლიგა

• შეკითხვა #1456

  ჩინური მითოლოგიის თანახმად სამყაროს შექმნა უკავშირდება არსებას, სახელად პანგუ. მისი ამოსუნთქვისგან გაჩნდა ქარი და ღრუბლები, მისი თავიდან - ქუხილი, ხელებიდან და ფეხებიდან - ოთხი მხარე, სისხლიდან - მდინარეები, ოფლიდან - წვიმა და დილის ნამი. მითის თანახმად რა და რა გაჩნდა მისი თვალებიდან?

  პასუხი: მზე და მთვარე ბმული: http://moazrovne.net/q/1456

  პასუხი

• შეკითხვა #1457

  არსებობს ლეგენდა, რომ მენის კუნძულზე მცხოვრები კატების წინაპრებმა ძლივს მოასწრეს ნოეს კიდობანზე ასვლა. სწორედ ამიტომ ამ ლეგენდარული კატების შთამომავლები დანარჩენი კატებისგან ერთი დეტალით განსხვავდებიან. დაასახელეთ ეს დეტალი.

  პასუხი: კუდი კომენტარი: მძიმე კარები მათ ზურგს უკან დაიხურა და მათი კუდებიც შეიწირა. ბმული: http://moazrovne.net/q/1457

  პასუხი

• შეკითხვა #1458

  აღმოსავლეთის ზოგიერთ ქვეყანაში, კაცი რომელსაც ჰყავდა თუნდაც ათი შვილი, მაინც შეიძლებოდა უშვილოდ ჩათვლილიყო. რა შემთხვევაში ხდებოდა ეს?

  პასუხი: თუკი ყველა შვილი მდედრობითი სქესის იქნებოდა. ბმული: http://moazrovne.net/q/1458

  პასუხი

• შეკითხვა #1459

  1545 წელს ჩაძირული გალეონზე, „მერი-როუზზე“ აღმოაჩინეს გემის ექიმის კაიუტა, რომელშიც კოლბები, წამლის ბოთლები და ერთი დიდი ჩაქუჩი იპოვეს. რისთვის იყო განკუთვნილი ჩაქუჩი?

  პასუხი: ანესთეზიისთვის ბმული: http://moazrovne.net/q/1459

  პასუხი

• შეკითხვა #1460

  მაასტრიხტის უნივერსიტეტის კლინიკის საოპერაციოში დამაგრებულია სპეციალური ელექტრონული სასწორი, რომელსაც ოპერაციის დაწყებამდე და დასრულების შემდეგ იყენებენ. რას წონიან ამ სასწორზე?

  პასუხი: ქირურგიულ იარაღებს. კომენტარი: იმაში დასარწმუნებლად, რომ იარაღი პაციენტში არ „ჩარჩენიათ“. ბმული: http://moazrovne.net/q/1460

  პასუხი

• შეკითხვა #1461

  სიტყვა „ტინ-ლიალიატ“ ჩუკოტკურ ენაზე, პირდაპირ თარგმანში, ნიშნავს ყინულოვან თვალებს. რას უწოდებენ ჩუქჩები ტინ-ლიალიატს?

  პასუხი: სათვალეს. ბმული: http://moazrovne.net/q/1461

  პასუხი

• შეკითხვა #1462

  ტალეირანი ამბობდა, რომ ეს ღამესავით შავი, ცოდვასავით ტკბილი, სიყვარულივით ცხელი და წყევლასავით მაგარი უნდა იყოს. რაზე საუბრობდა ამგვარად ტალეირანი?

  პასუხი: ყავაზე ბმული: http://moazrovne.net/q/1462

  პასუხი

• შეკითხვა #1463

  1995 წლის ზაფხულში ბრიტანეთის საზოგადოებრივ საპირფარეშოებში ყველა სტანდარტული ნათურა ჩაანავცლეს ცისფერი ნათურებით. ეს გაკეთდა იმ მიზნით, რომ ადამიანთა ერთი ჯგუფისთვის შეუძლებელი გამხდარიყო გარკვეული ქმედების ჩადენა. ნათურებმა გაამართლა, თუმცა ეს ადამიანები საშინლად უკმაყოფილოები იყვნენ სიახლით. ადამიანთა რა ჯგუფზეა საუბარი?

  პასუხი: ნარკომანებზე კომენტარი: ცისფერ განათებაში ისინი ვენებს ვერ პოულობდნენ ბმული: http://moazrovne.net/q/1463

  პასუხი

• შეკითხვა #1464

  შუა საუკუნეების ინგლისში მოგზაურობა იმდენად სახიფათო იყო, რომ მეურმეები და მეეტლეები ყოველ შემხვედრს პოტენციურ ყაჩაღდ აღიქვამდნენ და იძულებულები იყვნენ ცალ ხელში მუდმივად სჭეროდათ იარაღი. შეიძლება ითქვას, რომ ამის შედეგს დღესაც ვხედავთ. რა შედეგზეა საუბარი?

  პასუხი: ინგლისში ტრანსპორტი გზის მარცხენა მხარეს მოძრაობს. კომენტარი: ხმალი მარჯვენა ხელში ეჭირათ, შესაბამისად მარცხენა მხარეს მოძრაობდნენ, რათა შემხვედრი ყაჩაღისგან თავი დაეცვათ ბმული: http://moazrovne.net/q/1464

  პასუხი

• შეკითხვა #1465

  1995 წელს ერთმა ცნობილმა კომპანიამ სარეკლამო კამპანია წამოიწყო. ამ კამპანიის ფარგლებში რამდენიმე ცნობილმა ადამიანმა წყალქვეშა ნავის მეშვეობით განახორციელა სიღრმეში ჩაშვება იმაში დასარწმუნებლად, რომ დახურულ, უფანჯრო სივრცეში ცხოვრება ძალიან ძნელია. დაასახელეთ მაქსიმალურად ზუსტად, თუ რისი რეკლამა იყო ეს.

  პასუხი: Windows 95 ბმული: http://moazrovne.net/q/1465

  პასუხი

• შეკითხვა #1466

  იაპონიაში, რომელიც ცნობილია თავისი ზნე - ჩვეულებებიტ, არსებობს ასეთი დაუწერელი კანონი: არ შეიძლება გოგონა ერთსა და იმავე ტანისამოსში ზედიზედ ორი დღის განმავლობაში გამოჩნდეს სამსახურში. დაასახელეთ ამის მიზეზი.

  პასუხი: რათა ხალხმა არ იფიქროს, რომ მას ღამე სახლში არ გაუთევია ბმული: http://moazrovne.net/q/1466

  პასუხი

• შეკითხვა #1467

  როდესაც ბოტკინს ჰკითხეს, თუ როგორი სახის ვარჯიშებია საუკეთესო წონის დაკლებისათვის, მან უპასუხა: თავის შემობრუნება მარცხნიდან მარჯვნივ და მარჯვნიდან მარცხნივ. გვითხარით, თუ რა ვითარებაშია ეს ვარჯიში ყველაზე ეფექტური?

  პასუხი: როდესაც საჭმელს გთავაზობენ. ბმული: http://moazrovne.net/q/1467

  პასუხი

• შეკითხვა #1468

  ერთხელ, კომპანია „სონის“ ერთერთი წამყვანი ინსტრუქტორი გვარად მარიტა სახლში ძალიან დაღლილი დაბრუნდა და დასვენება მოისურვა, თუმცა მისი შვილები მუსიკას უსმენდნენ. შეკითხვა: გვითხარით რა გამოიგონა მარიტამ ამის შემდეგ?

  პასუხი: პლეიერი (ვოქმენი) ბმული: http://moazrovne.net/q/1468

  პასუხი

• შეკითხვა #1469

  ჰიუგომ თქვა, რომ ისტორიას ეს არ გააჩნია. ეს ნივთი ყველა ჩვენგანს გამოუყენებია და მის ვირტუალურ სახეობასაც ხშირად ვხმარობთ. რა ნივთზეა საუბარი?

  პასუხი: ნაგვის ყუთი ბმული: http://moazrovne.net/q/1469

  პასუხი

• შეკითხვა #1470

  დასასრულს კი შეეცადეთ გამოიცნოთ ძველი რუსული გამოცანა: „მრგვალია, კუზიანია, გარშემო ბალნიანია, თუკი მოვა ბედი ავი, მისგან წარმოსდგება წყალი“. მაშ დაასახელეთ ის.

  პასუხი: თვალი ბმული: http://moazrovne.net/q/1470

  პასუხი

• პაკეტის კომენტარები: