თბილისის 42-ე ჩემპიონატი
II ტური
სუპერ ლიგა
20 მარტი, 2011
-
შეკითხვა #941 © კონსანტინე ნაუმენკო
2010 წლის აგვისტოში ერთმა პოლიტიკურმა მიმომხილველმა ამ ადამიანზე საუბრის დროს განაცხადა: "იმის გამო, რომ მესამედ კენჭის ყრა კანონით აკრძალულია, იგი ვეღარ გაიმეორებს თავის საყვარელ ფრაზას". ყურადღება შეკითხვა: დაასახელეთ ეს ფრაზა.
პასუხი: I'll be back კომენტარი: კალიფორნიის გუბერნატორის პოსტზე არჩევა სამჯერ კანონით აკრძალულია, ამიტომაც არნოლდ შვარცენეგერი ვეღარ იტყვის I'll be back ("მე დავბრუნდებიო"). წყარო: www.echo.msk.ru/programs/49minut/701259-echo/ ბმული: http://moazrovne.net/q/941პასუხი
-
შეკითხვა #942 © ვახტანგ ელერდაშვილი
1998 წელს ბრიტანულმა გაზეთმა Sunday Telegraph–მა ამ აღმოსავლურ გამოგონებას „Griddler“ უწოდა და დღემდე ასე მოიხსენიებს. ყურადღება შეკითხვა: დაასახელეთ ეს აღმოსავლური გამოგონება.
პასუხი: იაპონური კროსვორდი კომენტარი: Grid - ინგლისურად ცხრილია. მიიღება პასუხი „ნონოგრამაც“. წყარო: www.puzzlemuseum.com/griddler/gridhist.htm ბმული: http://moazrovne.net/q/942პასუხი
-
შეკითხვა #943 © დიმიტრი ნეკრილოვი
მიუხედავად იმისა, რომ ცოცხალ არსებებს შორის იქ არის თევზი, ორი ვეფხვი, სპილო და მწერი, რატომღაც სათაურში მოხვდა მხოლოდ მწერი. ყურადღება შეკითხვა: დაასახელეთ ეს მწერი.
პასუხი: კელა (ფუტკარი, კრაზანა) კომენტარი: საუბარია სალვადორ დალის ფერწერულ ტილოზე "გამოღვიძებამდე ერთი წამით ადრე ბროწეულის გარშემო ფუტკრის ფრენით გამოწვეული სიზმარი". კელა იგივე კრაზანაა. წყარო: Великие художники. Сальвадор Дали, ч.105, с.25 ბმული: http://moazrovne.net/q/943პასუხი
-
შეკითხვა #944 © ვახტანგ ელერდაშვილი
2003 წელს იტალიაში გამოქვეყნდა ავტობიოგრაფიული ხასიათის წიგნი „თამაშის ჩემებური წესები“. ერთ–ერთ თავში ავტორი მიმართავს მეტაფორას და მოიხსენიებს „ბილიარდის ბურთს“, თუმცა უფრო უპრიანი იქნებოდა, რომ კინოპერსონაჟი ეხსენებინა. ყურადღება შეკითხვა: დაასახელეთ წიგნის ავტორი.
პასუხი: პიერლუიჯი კოლინა კომენტარი: საუბარია საფეხბურთო არბიტრზე, პიერლუიჯი კოლინაზე, რომელიც წერს, რომ მას მოსწონს ბილიარდის ბურთივით სლიპინა თავი. მისი მეტსახელია ფანტომასი. წყარო:- "П. Коллина. Мои правила игры. Пер. с итал.": АСТ, Астрель; М.; 2004
- it.wikipedia.org/wiki/Pierluigi_Collina
პასუხი
-
შეკითხვა #945 © ალექსანდრე ჩიჟოვი
ტინტორეტო მუშაობის პროცესში აქტიურად იყენებდა იქსებს; ქმნიდა კომპოზიციას; ტესტავდა იქსებით შექმნილ კომპოზიციაზე შუქ–ჩრდილის ეფექტებს და შემდეგ ეს ყველაფერი გადაჰქონდა ტილოზე. შეკითხვის ავტორმა ტინტორეტოს იქსი ერთ ცნობილ დაწესებულებაში ვერ აღმოაჩინა. ყურადღება შეკითხვა: დაასახელეთ იქსი ორი სიტყვით.
პასუხი: ცვილის ფიგურა კომენტარი: ტინტორეტო იყენებდა ცვილის ფიგურებს. ტინტორეტოს ცვილის ფიგურა ტიუსოს მუზეუმში არ არის, ყოველ შემთხვევაში შეკითხვის ავტორმა ვერ იპოვა :) წყარო: „50 биографий мастеров западно-европейского искусства“. - Л.: "Советский художник", 1968. - С. 67. ბმული: http://moazrovne.net/q/945პასუხი
-
შეკითხვა #946 © ანდრეო ბეზბოროდოვი
ერთ კარიკატურაზე კენტავრი, ცდილობს რა, რომ სრულფასოვანი ადამიანი გახდეს აკეთებს ამას. ყურადღება შეკითხვა: რას აკეთებს კენტავრი?
პასუხი: ეწევა (თამბაქოს) კომენტარი: ამით კენტავრი თავის თავში კლავს ცხენს (როგორც ცნობილია, 1 გრამი ნიკოტინი კლავს ცხენს). წყარო: caricatura.ru/art/anchuokov/url/parad/anchuokov/14 ბმული: http://moazrovne.net/q/946პასუხი
-
შეკითხვა #947 © ვახტანგ ელერდაშვილი
გონდოლას ვენეციელები უწოდებენ იქსს. იქსი მრავალმა თქვენგანმა უკვე იხილა, თუმცა შეკითხვის ავტორს ჯერ კიდევ არ უნახავს. ყურადღება შეკითხვა: დაასახელეთ იქსი ორი სიტყვით.პასუხი: შავი გედი კომენტარი: გონდოლას "შავ გედს" უწოდებენ. "შავი გედი" დარენ არონოვსკის 2010 წლის ფილმია, რომელიც შეკითხვის ავტორს ჯერ არ უნახავს :) წყარო: ბმული: http://moazrovne.net/q/947პასუხი
-
შეკითხვა #948 © ნიკოლაი ლეგონკი
ჯოზეფ ჰელერის რომანში "მოხუცი მხატვრის პორტრეტი" მთავარი პერსონაჟი ვერ ეგუება იმას, რომ ისინი დიდი ხნის წინ ჩვენს მაგივრად აირჩიეს. ყურადღება შეკითხვა: დაასახელეთ ამერიკელი, რომელმაც მოგვითხრო მათ შესახებ.
პასუხი: ო.ჰენრი კომენტარი: პერსონაჟი ვერ ეგუება იმას, რომ გზები, რომლებსაც ჩვენ ვირჩევთ დიდი ხნის წინ მის გარეშე აირჩიეს. ო. ჰენრის ეკუთვნის ამავე სახელწოდების მოთხრობა. წყარო:- Дж. Хеллер. Портрет художника в старости. М.: "АСТ", 2002. стр. 131
- www.literaturecollection.com/a/o_henry/4/
პასუხი
-
შეკითხვა #949 © დიმიტრი ჟარკოვი
შეკითხვა ნამდვილი ჯენტლმენებისათვის: აბუ ალი იბნ სინა ნაშრომში "მედიცინის კანონი" წერს, რომ ბენზინი სასარგებლოა მოძრავი, ან სველი წყლულებისთვის, ასევე სასარგებლოა კანის აქერცლვის, მუნის და თირკმელების ტკივილის დასაამებლად. ყურადღება შეკითხვა: რომელი ორი სიტყვაა შეცვლილი აბუ ალი იბნ სინას ტექსტში სიტყვით "ბენზინი"?
პასუხი: ვირის შარდი კომენტარი: გახსოვთ ალბათ ფილმში "იღბლიანი ჯენტლმენები" ვასილი ალიბაბაევიჩი იმისთვის დაიჭირეს, რომ ბენზინში ვირის შარდს ურევდა. წყარო: ბმული: http://moazrovne.net/q/949პასუხი
-
შეკითხვა #950 © ვახტანგ ელერდაშვილი
შარშან ამ ადამიანმა განაცხადა, რომ უკანასკნელი 40 წლის განმავლობაში სამი ათასი საათი გაატარა წყლის ქვეშ, რაც ნათლად აისახა კიდეც მის შემოქმედებაზე. ყურადღება შეკითხვა: დაასახელეთ ამ ადამიანის სახელი და გვარი.
პასუხი: ჯეიმს კემერონი კომენტარი: ამიტომაც "ავატარში" ეკოსისტემა ლურჯია. წყარო: www.ted.com/talks/james_cameron_before_avatar_a_cu ბმული: http://moazrovne.net/q/950პასუხი
-
შეკითხვა #951 © ვახტანგ ელერდაშვილი
ჯეიმს კემერონის "ავატარში" არის ასეთი ეპიზოდი: პოლკოვნიკი მაილს კვორიჩი მიმართავს პლანეტა პანდორაზე ახალჩასულ ჯარისკაცებს. მიმართვის ტექსტი იწყება ცნობილი ფრაზით (უფრო სწორად მისი პერიფრაზით). ყურადღება შეკითხვა: აშშ–ს რომელი შტატი ფიგურირებს ამ ფრაზაში?
პასუხი: კანზასი კომენტარი: საუბარია ფრაზაზე ფრენკ ბაუმის ნაწარმოებიდან "ჯადოქარი ქვეყანა ოზიდან": "ჩვენ აღარ ვართ კანზასში" (We are not in Kanzas anymore), პოლკოვნიკი ეუბნება ახალჩასულებს, რომ ისინი კანზასში აღარ არიან. წყარო: ჯეიმს კემერონის "ავატარი", მე–10 წუთი. ბმული: http://moazrovne.net/q/951პასუხი
-
შეკითხვა #952 © ევგენი ლიაპინი
რიჩარდ ფეინმანის ბიოგრაფიის ერთ–ერთ თავს ეწოდება "უკანასკნელი გამოწვევა". ამ თავში მოთხრობილია ერთი გამოძიების ისტორია, რომელშიც თავად ფეინმანი იღებდა მონაწილეობას. ყურადღება შეკითხვა: დაასახელეთ გამოძიების ობიექტი.
პასუხი: სპეის შატლი „ჩელინჯერი“ კომენტარი: თავში მოთხრობილის სპეის შატლის აფეთქების შესახებ და ამ აფეთქების გამომწვევი გამოძიების ისტორია, რომელშიც ფეინმანი იღებდა მონაწილეობას. Challenge - ინგლისურად "გამოწვევაა". წყარო: artofwar.ru/k/komissarenko_l_e/text_0040.shtml ბმული: http://moazrovne.net/q/952პასუხი
-
შეკითხვა #953 © ოლგა პავლოვსკაია
თქვენს წინაშეა ამონარიდი ერთი ამერიკელის მოთხრობიდან: "თუ ვინმე იცავს კანონს, მაშინ ის ან იქსია, ან – ძალიან პატიოსანი ადამიანი". თუ თქვენ მიხვდით იქსს, მაშინ დაასახელეთ ეს ამერიკელი.
პასუხი
-
შეკითხვა #954 © ვახტანგ ელერდაშვილი
თუ გვარის მიხედვით ვიმსჯელებთ, შეიძლება ვივარაუდოთ, რომ ჟან–მიშელ (გამოტოვებულია ორი სიტყვა), თუმცა ეს ვარაუდი მცდარია, ვინაიდან დედამისი პუერტორიკოელი იყო, მამამისი კი – ჰაიტიდან. გამოტოვებული ორი სიტყვა ერთმანეთის ომონიმებია, ანუ იდენტურად იწერება. დაწერეთ გამოტოვებული ორი სიტყვა.
პასუხი: ბასკია ბასკია კომენტარი: შეიძლება ვივარაუდოთ, რომ გვარის მიხედვით ამერიკელი მხატვარი ჟან–მიშელ ბასკია ბასკია, თუმცა ეს ვარაუდი მცდარი იქნება. წყარო: en.wikipedia.org/wiki/Jean-Michel_Basquiat ბმული: http://moazrovne.net/q/954პასუხი
-
შეკითხვა #955 © ალექსანდრე კორობეინიკოვი
1977 წელს ბრაზილიელმა კარდინალმა ღია წერილით მიმართა თავისი საყვარელი კლუბის, „კორინტიანსის“ გულშემატკივრებს. ყურადღება შეკითხვა: რა ერქვა ამ კარდინალს?
პასუხი: პაულო (პავლე) კომენტარი: პავლე მოციქულის მსგავსად მან ეპისტოლე გაუგზავნა კორინთელებს (corinthians). წყარო:- en.wikipedia.org/wiki/First_Epistle_to_the_Corinth
- en.wikipedia.org/wiki/Paulo_Evaristo_Arns
- Фесуненко И. С. Бразилия, футбол, торсида. - М., 2004. - С. 35
პასუხი
-
შეკითხვა #956 © მაქსიმ პოტაშოვი
ამ ოქსიმორონის ანალოგი გავრცელებულია არამხოლოდ სერბეთში და ჩერნოგორიაში, არამედ, რა გასაკვირიც არ უნდა იყოს, შვეიცარიაშიც. ამასთან თუ ჩვენთან ეს ოქსიმორონი 1918 წელს გაჩნდა (ყოველ შემთხვევაში გაჩნდა ამის ფორმალური საფუძველი), შვეიცარიაში – ის 200 წლის წინ იშვა. ყურადღება შეკითხვა: დაასახელეთ ეს ოქსიმორონი.
პასუხი: ძველი ახალი წელი კომენტარი: შვეიცარია გრიგორიანულ კალენდარზე 200 წლით ადრე გადავიდა, ჩვენ 1918 წელს. სერბები და ჩერნოგორიელები მართლმადიდებლები არიან. წყარო: ru.wikipedia.org/wiki/Старый_Новый_год ბმული: http://moazrovne.net/q/956პასუხი
-
შეკითხვა #957 © კონსანტინე ნაუმენკო
ერთ ბიოგრაფიული ხასიათის ფილმში არის ასეთი სცენა: მთავარი პერსონაჟი დასცქერის თავისი ქვეყნის ეროვნული ნაკრების ფოტოსურათს, ცდილობს სახეებით აღიდგინოს მოთამაშეების გვარები და ამბობს, რომ სამწუხაროდ ჩესტერ უილიამსის ცნობა ჯერ–ჯერობით ძალიან ადვილია, თუმცა მალე ყველაფერი შეიცვლება. ყურადღება შეკითხვა: რომელი ქვეყნის ნაკრების ფოტოსურათს დასცქეროდა იგი?
პასუხი: სამხრეთ აფრიკის კომენტარი: ფილმში "Invictus" ნელსონ მანდელა ამბობს, რომ შავკანიანი ჩესტერ უილიამსი ჯერ–ჯერობით ადვილი საცნობია. წყარო: კლინტ ისტვუდის ფილმი, "Invictus" ბმული: http://moazrovne.net/q/957პასუხი
-
შეკითხვა #958 © ნიკოლაი კრაპილი
ფსიქოლოგი ანდრეი იურევიჩი იქსებს უწოდებს იმ თანამედროვე რუს მეცნიერებს, რომელთა შემოსავლის ძირითად წყაროსაც უსასყიდლოდ გადაცემული მიზნობრივი ფულადი სახსრები წარმოადგენს. შეკითხვის ავტორის გამოთვლით იქსები უნდა დაბადებულიყვნენ 1848 და 1852 წლებს შორის. ყურადღება შეკითხვა: დაასახელეთ იქსები სამი სიტყვით.
პასუხი: კაპიტან გრანტის შვილები კომენტარი: ზემოხსენებულ მეცნიერებს იურევიჩი "კაპიტან გრანტის შვილებს" უწოდებს. ჟიულ ვერნის რომანში მოცემული ინფორმაციით შეკითხვის ავტორი თვლის რომ კაპიტან გრანტის შვილები 1848–სა და 1852 წლებს შორის დაიბადნენ. წყარო: ბმული: http://moazrovne.net/q/958პასუხი
-
შეკითხვა #959 © ვახტანგ ელერდაშვილი
[დასარიგებელი მასალა: Zimbo, Gallik, Houpi, Raffy, X] 1996 წლის ნოემბერში ევროპის ერთ ქვეყანაში მოეწყო მასობრივი გამოკითხვა, რომელშიც მრავალმა ათასმა ადამიანმა მიიღო მონაწილეობა. რესპოდენტებს უნდა ამოერჩიათ ხუთი დასახელებული ვარიანტიდან ერთ–ერთი. ყურადღება შეკითხვა: დაასახელეთ გამარჯვებული იქსი!
პასუხი: ფუტიქსი კომენტარი: საუბარია საფრანგეთის 1998 წლის ფეხბურთს მსოფლიო ჩემპიონატის სიმბოლო მამალზე, სახელად ფუტიქსზე. მის სახელს არჩევდნენ გამოკითხვის დროს. წყარო: www.docstoc.com/docs/28432964/Footix-the-history-b ბმული: http://moazrovne.net/q/959პასუხი
-
შეკითხვა #960 © ვახტანგ ელერდაშვილი
ამ ჩრდილოელს მიაწერენ შემდეგ ფრაზას: "თქვენი, ინგლისელების პრობლემა იმაშია, რომ თქვენ ეპყრობით ძაღლებს როგორც ჯენტლმენებს და ჯენტლმენებს კი – როგორც ძაღლებს". ყურადღება შეკითხვა: დაასახელეთ ჩრდილოელის სახელი და გვარი.
პასუხი: რუალ ამუნდსენი კომენტარი: ამუნდსენმა სამხრ. პოლუსზე მისასვლელად გამოიყენა ძაღლები, მისმა მეტოქემ რობერტ სკოტმა კი მას შემდეგ, რაც ცხენები დაეხოცა, ციგების გამწევ ძალად ექსპედიციის წევრების გამოყენება სცადა, თუმცა უშედეგოდ. წყარო: wscoin.com/Info/Antarctica20Dollar.htm ბმული: http://moazrovne.net/q/960პასუხი
-
შეკითხვა #961 © მიხაილ ლოკშინი
ბრაზილიის შტატ პიაუის შიდასაშტატო ჩემპიონატის ერთ მატჩში დაუდევარმა მსაჯმა კლუბ "ოეირასის" ფეხბურთელს, პაულუ არაუჟუს აჩვენა სამი ყვითელი და ორი წითელი ბარათი. თამაშის დასრულების შემდეგ ჟურნალისტები მისცვივდნენ ფეხბურთელს, რომლებსაც მან აქეთ დაუსვა კონტრშეკითხვა. რომელი გვარი ფიგურირებდა მის კონტრშეკითხვაში?
პასუხი: გინესი კომენტარი: მსაჯს გამორჩა რომ მეორე ყვითელი ბარათი მისცა და მოედანი არ დაატოვებინა, როდესაც მესამე აჩვენა პროტოკოლის თანახმად იგი იძულებული გახდა ორი წითელი ბარათი ეჩვენებინა. მან ჟურნალისტებს ჰკითხა: "გინესის წიგნში ხომ მოვხვდები?!" წყარო: www.rol.ru/news/sport/news/02/03/15_022.htm ბმული: http://moazrovne.net/q/961პასუხი
-
სემუელ შემის სატირულ რომანში "ღმერთის სახლი" აღწერილია საავადმყოფო, სადაც მომუშავე არაკომპეტენტური ექიმები ფლობენ იმას, რაც შეიძლება გამოისახოს ორი სიმბოლოთი. გამოსახეთ ეს ორი სიმბოლო თქვენს ფურცლებზე.
პასუხი: 00 კომენტარი: ეს არის მკვლელობის ლიცენზია. წყარო: en.wikipedia.org/wiki/00_Agent ბმული: http://moazrovne.net/q/962პასუხი
-
შეკითხვა #963 © ალექსანდრე ჩიჟოვი
ჯეკფრუტი, ანუ იგივე ინდური პურის ხე ავეჯისა და მუსიკალური ინსტრუმენტების დასამზადებლად გამოიყენება. ჯეკფრუტის ხის მერქანს აქვს ერთი სასარგებლო თავისებურება, რაც იმაში გამოიხატება, რომ მას ვერ იტანენ ჯარისკაცები და მუშები. ყურადღება შეკითხვა: დაასახელეთ ჯარისკაცები და მუშები ერთი სიტყვით (მიიღება ზუსტი პასუხი).
პასუხი: ტერმიტები კომენტარი: ამ ხეს ტერმიტები არ ეკარებიან, რომელთა შორისაც გამოყოფენ ჯარისკაცებს და მუშებს. წყარო: ბმული: http://moazrovne.net/q/963პასუხი
-
შეკითხვა #964 © რენატ ხაიბულინი
2008 წელს ჩემპიონთა ლიგის მატჩში იტალიურმა საფეხბურთო კლუბმა ესპანური გრანდი დაამარცხა გასვლაზე. ამ მატჩისადმი მიძღვნილ სტატიაში ხაზგასმული იყო, რომ იტალიურმა იქსმა აჯობა ესპანურ იგრეკს. გაითვალისწინეთ, რომ იქსი იგრეკმა მე–19 საუკუნეში შეცვალა და დაასახელეთ ორივე.
პასუხი: რეალიზმი, რომანტიზმი კომენტარი: რომამ რეალი დაამარცხა. რომანტიზმი რეალიზმმა მე–19 საუკუნეში შეცვალა. წყარო: www.sports.ru/football/4248560.html ბმული: http://moazrovne.net/q/964პასუხი
-
შეკითხვა #965 © დიმიტრი ბოროკი
ჯიმი კარტერმა იქსს გოლფის მოედანი უწოდა. პირველი მცდელობა კი რათა იქსი გამოეყენებინათ, როგორც გოლფის სათამაშო ტერიტორია დაფიქსირდა 1971 წელს, თუმცა უშედეგოდ. ყურადღება შეკითხვა: დაასახელეთ იქსი.
პასუხი: მთვარე კომენტარი: მთვარის კრატერები წააგავს გოლფის ე.წ. "ლუნკებს". ალან შეპარდმა აპოლონ–14–ის ექსპედიციის დროს მთვარის ზედაპირზე სცადა გოლფის თამაში და რამდენიმე დარტყმა განახორციელა. წყარო: ბმული: http://moazrovne.net/q/965პასუხი
-
შეკითხვა #966 © მაქსიმ პოტაშოვი
აფრიკის ერთ ქვეყანაში დღესდღეობით არის ათი ობიექტი, რომელთაც არანაირი მოგება არ მოაქვთ, მათი შენახვა კი ქვეყანას მილიონები უჯდება, ამიტომ მათ "თეთრ სპილოებს" უწოდებენ. ყურადღება შეკითხვა: დაასახელეთ აფრიკის ქვეყანაც და ეს ობიექტებიც.
პასუხი: სტადიონები სამხრ. აფრიკის რესპუბლიკაში კომენტარი: მსოფლიო ჩემპიონატის შემდეგ ახლად აშენებული სტადიონები მძიმე ტვირთად დააწვა სამხრ. აფრიკის რესპუბლიკას. "თეთრი სპილო" მძიმე ტვირთის სიმბოლოა. წყარო: ბმული: http://moazrovne.net/q/966პასუხი
-
შეკითხვა #967 © ალექსეი ბოგოსლოვსკი
პოლონელი მოგზაურის პაველ ედმუნდ სტრჟელეცკის მხატვრული ბიოგრაფიის სათაური იწყება ორი ლათინური სიტყვით. ყურადღება შეკითხვა: დაწერეთ ეს ორი ლათინური სიტყვა თქვენს ფურცლებზე.
პასუხი: Quo Vadis კომენტარი: ალუზიაა ჰენრიკ სენკევიჩის რომანზე, ამასთან პირდაპირ მიუთითებს მის მოგზაურობაზე, ვინაიდან Quo Vadis ლათინურად ნიშნავს "სად მიდიხარ"–ს. წყარო: ბმული: http://moazrovne.net/q/967პასუხი
-
შეკითხვა #968 © ვახტანგ ელერდაშვილი
2007 წელს "მილანი"–"სამპდორიას" თამაშის დროს, "მილანის" ახალწვეულ ფეხბურთელზე გაბრაზებულმა "ინტერის" ფანებმა სტადიონზე გამოფინეს პლაკატი, სადაც ამ ფეხბურთელის შეურაცხმყოფელი ორი სიტყვა ეწერა. საინტერესოა ისიც, რომ იტალიელები ამ ორი სიტყვით მოიხსენიებენ ერთ "ამერიკელს". ყურადღება შეკითხვა: დაასახელეთ ეს "ამერიკელი".
პასუხი: რონალდ მაკდონალდი კომენტარი: Ronaldo pagliaccio - იტალიურად ნიშნავს "რონალდო კლოუნი". ამასთან იტალიურში ასე უწოდებენ მაკდონალდსის სიმბოლოს, კლოუნ რონალდს, რომლის გვარიც მაკდონალდია. "ინტერის" ფანებმა რონალდოს "რეალიდან" "მილანში" გადასვლა ვერ აპატიეს. წყარო: ბმული: http://moazrovne.net/q/968პასუხი
-
შეკითხვა #969 © ალექსანდრე შევჩენკო
ერთ მოთხრობაში, რომლის სიუჟეტი ყოფილ საბჭოთა კავშირში ვითარდება, მთავარი გმირი ამბობს: "მშენებლობები არასოდეს დასრულდებოდა რომ არა ისინი". მათი რაოდენობა თანამედროვე საქართველოში არ აღემატება ორ ათეულს. ყურადღება შეკითხვა: დაასახელეთ ისინი.
პასუხი: ოფიციალური უქმე დღეები (დღესასწაულები) კომენტარი: ყოფილ საბჭოეთში ცდილობდნენ მშენებლობები რომელიმე ოფიციალური უქმე დღისთვის მოესწროთ (7 ნოემბერი, 1 მაისი), სხვა დროს პროცესს აჭიანურებდნენ ხოლმე. წყარო:- Ю. Поляков. ЧП районного масштаба
- ka.wikipedia.org/wiki/ოფიციალური_უქმე_დღეები_საქარ
პასუხი
-
შეკითხვა #970 © დიმიტრი ჟარკოვი
თქვენს წინაშეა კარიკატურა, რომელსაც ეწოდება "უკანასკნელი ჩანაწერი რობინზონ კრუზოს დღიურში". კარიკატურაზე წაშლილია ორსიტყვიანი დიალოგი. აღადგინეთ ეს ორსიტყვიანი დიალოგი.პასუხი: პარასკევა? შაბათა! კომენტარი: რობინზონ კრუზო შეხვდა ბარონ სამდის, ანუ ბარონ შაბათს, რომელიც გარდაცვლილთა სულების მბრძანებელია ვუდუს პანთეონში. ნებისმიერი პასუხი, სადაც პარასკევი და შაბათია დაფიქსირებული ითვლება. წყარო: ბმული: http://moazrovne.net/q/970პასუხი
-
შეკითხვა #971 © რუსლან სულტანოვი
მილორად პავიჩის რომანში მწერლობის ამბიციის მქონე გოგონა ვერაფრით ახერხებს გამომცემლებს საკუთარი ნოველები გამოაცემინოს, თუმცა იგი მაინც პოულობს გამოსავალს და მის ნოველებს გამომცემლები ბეჭდავენ, რაშიც გოგონას ანატოლ ფრანსი, პიერ ლოტი და სხვა ფრანგი მწერლები დაეხმარნენ. ყურადღება შეკითხვა: რომელ ცოცხალ არსებას ადარებს მილორად პავიჩი ამ გოგონას?
პასუხი: გუგულს კომენტარი: როგორც გუგული დებს სხვის ბუდეში კვერცხს, ასევე ამ გოგონამ თავისი ნოველები დასახელებული მწერლების ნაწარმოებებში განათავსა და თარგმანებად გაასაღა. წყარო: lib.ru/INPROZ/PAWICH/vsv.txt ბმული: http://moazrovne.net/q/971პასუხი
-
შეკითხვა #972 © მაქსიმ პოტაშოვი
კატალანურ ენაში არსებობს იდიომა, რომელიც აზრობრივად იგივეს ნიშნავს, რასაც ქართული "როცა ვირი ხეზე ავა", ან რუსული "Когда рак на горе свистнет". კატალანური იდიომა სიტყვასიტყვით რომ ვთარგმნოთ მივიღებთ: "როცა დაბრუნდება იქსი და დაასრულებს იგრეკს". ყურადღება შეკითხვა: დაასახელეთ იქსიც და იგრეკიც.
პასუხი: ანტონიო გაუდი, საგრადა ფამილია კომენტარი: მოგეხსენებათ "საგრადა ფამილია" დღემდე დაუსრულებელია. წყარო: www.lingvoblog.com/j-note176/ ბმული: http://moazrovne.net/q/972პასუხი
-
შეკითხვა #973 © ვახტანგ ელერდაშვილი
ჰანა როსინი თავის საჯარო ლექციაში, რომელიც თანამედროვე დასავლეთ საზოგადოებაში ქალთა როლის აღზევებას ეძღვნება, საუბრობს წარუმატებელ მამაკაცებზე და მათ ორი სიტყვით მოიხსენიებს. ამ ორი სიტყვიდან ერთ–ერთი ბერძნული ანბანის ასოა. ყურადღება შეკითხვა: დაასახელეთ როგორ მოიხსენიებს ჰანა როსინი წარუმატებელ მამაკაცებს?
პასუხი: ომეგა მამრი (ომეგა ძაღლი), Omega-male კომენტარი: ალფა–მამრის (alpha-male) საპირისპიროდ იგი მოიხსენიებს ომეგა–მამრებს. წყარო: ბმული: http://moazrovne.net/q/973პასუხი
-
შეკითხვა #974 © ვახტანგ ელერდაშვილი
ერთი კრეაციონისტული ინტერპრეტაციის თანახმად ეს ტეტრაგრამატონი წარმოადგენს აბრევიატურას, რომელშიც ოთხივე სტიქიაა ჩაშიფრული. ამასთან ეს ტეტრაგრამატონი ემთხვევა 1899 წელს დაარსებული კომპანიის სახელწოდებას. ყურადღება შეკითხვა: დაასახელეთ ეს კომპანია.
პასუხი: FIAT კომენტარი: საუბარია ბიბლიურ ციტატაზე Fiat Lux (იქმენ ნათელი), რომელშიც ოთხასოიან სიტყვას (ტეტრაგრამატონს), Fiat განიხილავენ, როგორც აბრევიატურას Flatus, Ignis, Aqua, Terra. აბრევიატურის შემადგენელი ელემენტები კი ოთხი სტიქიის ლათინური სახელწოდებებია. წყარო: ბმული: http://moazrovne.net/q/974პასუხი
-
შეკითხვა #975 © ალექსანდრე ტობენგაუზი
2010 წლის თებერვალში გამართულ საფეხბურთო მატჩში ყაზანის "რუბინი" თელ–ავივის "ჰაპოელს" დაუპირისპირდა. ყაზანში სტუმრებმა თან ორი კილოგრამი იქსი ჩაიტანეს, რათა სახის კანი სიცივისგან დაეცვათ. "რუბინმა" მოწინააღმდეგე დიდი ანგარიშით გაანადგურა, ამასთან დაკავშირებით შეკითხვის ავტორმა იხუმრა, რომ "ჰაპოელის" ფეხბურთელებს იქსმა ვერ უშველა. ყურადღება შეკითხვა: რა სიტყვაა შეცვლილი შეკითხვაში იქსით?
პასუხი
-
შეკითხვა #976 © ვახტანგ ელერდაშვილი
36. შუა საუკუნეების ევროპაში არსებობდნენ კონკრეტული სპეციალიზაციის მქონე ადამიანები, რომელთა ძირითად საქმიანობასაც არითმეტიკული გამოთვლები შეადგენდა. ეს ადამიანები ორ მოქიშპე ბანაკად იყოფოდნენ: მათ, ვინც თავის გამოთვლებში აბაკს იყენებდა, აბაკისტები ერქვათ, ხოლო მათ, ვინც გამოთვლებში ახალ ხილს, არაბულ ციფრებს იყენებდა ერქვათ იქსები. საინტერესოა ისიც, რომ თანამედროვე სამყაროში იქსებს ერთი ნობელიანტის მხარდამჭერებს უწოდებენ. ყურადღება შეკითხვა: დაასახელეთ ეს ნობელიანტი.
პასუხი: ალ გორი კომენტარი: ალგორისმი იმ დროს არაბული ციფრებით გამოთვლების ჩატარებას ნიშნავდა. ალ–ხორეზმის საპატივსაცემოდ მათ ალგორისტები ერქვათ. ალგორისმმა შემდგომში სახე იცვალა და ალგორითმად იქცა. წყარო: ბმული: http://moazrovne.net/q/976პასუხი
-
შეკითხვა #977 © ალექსანდრე შულგა
ავსტრალიის ერთ ქალაქში უცნაური შემთხვევა, გნებავთ დამთხვევა მოხდა: ვეტრტმფრენის პილოტმა პატრულირების დროს ხმელეთზე ნიანგი შენიშნა. ნიანგი კარგად რომ შეეთვალიერებინა ქვემოთ დაეშვა. თუმცა დაშვება ზედმეტი მოუვიდა და მიწას შეასკდა. ყურადღება შეკითხვა: ავსტრალიის რომელ ქალაქში მოხდა ეს შემთხვევა?
პასუხი: დარვინი კომენტარი: ალუზიაა დარვინის პრემიაზე, რომელიც ყოვლად უაზრო სიკვდილისათვის გაიცემა. წყარო: www.proua.com/news/world/2009/06/22/125615.html ბმული: http://moazrovne.net/q/977პასუხი
-
შეკითხვა #978 © ვახტანგ ელერდაშვილი
რაიან ფილდმა დაწერა სასიყვარულო რომანი ორი არატრადიციული ორიენტაციის მამაკაცის შესახებ, რომლებსაც უყვართ ერთმანეთი მიუხედავად სოციალური, პოლიტიკური და ფინანსური ბარიერებისა. რომანის სათაურის შერჩევისას ავტორი მარტივად მოიქცა: აიღო მე–19 საუკუნის კლასიკური რომანის სახელწოდება და წინ დაუმატა მოკლე და "მხიარული" სიტყვა. ყურადღება შეკითხვა: დაწერეთ რაიან ფილდის რომანის სახელწოდება.
პასუხი: Gay pride and prejudice კომენტარი: რაიან ფილდმა ჯეინ ოსტინის რომანს, "Pride and prejudice" წინ დაუმატა "Gay" და მიიღო – "Gay pride and prejudice". Gay ინგლისურად მხიარულია. წყარო: ბმული: http://moazrovne.net/q/978პასუხი
-
შეკითხვა #979 © მაქსიმ პოტაშოვი
ინდონეზიელთათვის პირველს ცვლის სპილო, მეორეს – ადამიანი და მესამეს კი – ყურბელა (მწერია ასეთი!). ყურადღება შეკითხვა: დაასახელეთ პირველიც, მეორეც და მესამეც ნებისმიერი თანამიმდევრობით.
პასუხი: ქვა, მაკრატელი, ქაღალდი კომენტარი: სპილო ჭყლეტს ადამიანს, ადამიანი ჭყლეტს ყურბელას და ყურბელა კლავს სპილოს. წყარო: en.wikipedia.org/wiki/Rock-paper-scissors ბმული: http://moazrovne.net/q/979პასუხი
-
შეკითხვა #980 © ვახტანგ ელერდაშვილი
ვიკიპედიის სტატიაში მოთავსებულია ინგლისელი მხატვრის, ჰენრი ჰოლიდეის ნახატი (იხ. სურათი). ნახატზე აღბეჭდილია მომენტი, როდესაც დაიწყო ის, რაც სტატიის სათაურს წარმოადგენს. ყურადღება შეკითხვა: დაასახელეთ სტატიის სათაური.პასუხი: ახალი ცხოვრება კომენტარი: საუბარია დანტე ალიგიერის ნაწარმოებზე La vita nuova (ახალი ცხოვრება). სურათზე აღბეჭდილია მომენტი, როდესაც დანტემ პირველად იხილა ბეატრიჩე, რის შემდეგაც მისი "ახალი ცხოვრება" დაიწყო. წყარო: en.wikipedia.org/wiki/La_Vita_Nuova ბმული: http://moazrovne.net/q/980პასუხი
-
შეკითხვა #981 © ვახტანგ ელერდაშვილი
ერთი ვერსიით ეს სიტყვა წარმოიშვა კლასიკური ლათინური "აბეცედარიუმის" სამი შუალედური ელემენტის სახელწოდების შეერთებით. დაასახელეთ ეს სიტყვა.
პასუხი: ელემენტი კომენტარი: "აბეცედარიუმი" ლათინურად ანბანია, რომელშიც კლასიკურ ეპოქაში 23 ასო იყო (J, U და W აკლდა). სამი შუალედური ასოს (LMN) სახელწოდებები ლათინურში არის "ელ–ემ–ენ". წყარო: ბმული: http://moazrovne.net/q/981პასუხი
-
შეკითხვა #982 © ვახტანგ ელერდაშვილი
1992 წელს აშშ–ში, პენსილვანიის შტატის ქალაქ ფრანკლინთაუნში გრანდიოზული სკულპტურა დაიდგა. სკულპტურის სახელი ემთხვევა ევროპის ქალაქის ღირსშესანიშნაობის სახელწოდებას. ყურადღება შეკითხვა: რა ეწოდება სკულპტურას?
პასუხი: ბიგ ბენი კომენტარი: ბენჯამენ ფრანკლინის სკულპტურას „ბიგ ბენი“ ჰქვია. წყარო: ბმული: http://moazrovne.net/q/982პასუხი
-
შეკითხვა #983 © იგორ ვოლოდარსკი
ერთ ფრანგულ კინოკომედიაში ცდილობენ ამ დასახლებული პუნქტის სახელწოდების გაშიფრვას და დაადგენენ, რომ ის ითარგმნება როგორც „წყალი, წყალი“. ყურადღება შეკითხვა: დაასახელეთ ეს დასახლებული პუნქტი.
პასუხი: ვატერლოო კომენტარი: Water + l’eau წყარო: К/ф "Коко" (реж. Гад Эльмале, 2009). ბმული: http://moazrovne.net/q/983პასუხი
-
შეკითხვა #984 © ვახტანგ ელერდაშვილი
2005 წელს ინგლისის ქალაქ ნორსჰემპტონში ამ წყვილის საპატივსაცემოდ სკულპტურული კომპოზიცია დაიდგა. ყურადღება შეკითხვა: დაასახელეთ ეს წყვილი.პასუხი: ფრენსის კრიკი და ჯეიმს უოტსონი კომენტარი: სკულპტურა ეძღვნება კრიკის და უოტსონის მიერ ორმაგი სპირალის აღმოჩენას. წყარო: ბმული: http://moazrovne.net/q/984პასუხი
-
შეკითხვა #985 © ტატიანა სნეგოვსკაია-არში
ერთმა ინტერნეტ იუზერმა გამოაცხო ნუშის პური და ეს კულინარული შედევრი შარშან გარდაცვლილი ადამიანის ხსოვნას მიუძღვნა. ასევე უნდა აღინიშნოს ისიც, რომ ამ ადამიანისათვის პატივის მისაგებად ყვავილოვანი კომბოსტოს, ან ბროკოლისგან დამზადებული კერძიც ერთობ სიმბოლური იქნებოდა. ყურადღება შეკითხვა: დაასახელეთ ეს ადამიანი.
პასუხი: ბენუა მანდელბროტი კომენტარი: მისი გვარი ითარგმნება, როგორც "ნუშის პური". ყვავილოვან კომბოსტოს და ბროკოლის ფრაქტალური ბუნება აქვს, ანუ ისეთი რაც უშუალოდ მასთან, ფრაქტალების მკვლევართან, ასოცირდება. წყარო: ბმული: http://moazrovne.net/q/985პასუხი
-
შეკითხვა #986 © ელენა კამინსკაია
წიგნში "ანტიკური ლიტერატურის სამყარო" ავტორი წერს, რომ ესქილემ თავის ტრაგედიაში "ორესტეა" პირველმა დასვა პირველის და მეორის პრობლემის საკითხი. ყურადღება შეკითხვა: დაასახელეთ ავტორი ნაწარმოებისა: პირველი და მეორე.
პასუხი: დოსტოევსკი კომენტარი: წიგნის ავტორის აზრით ესქილემ პირველმა დააყენა დანაშაულის და სასჯელის პრობლემის საკითხი. წყარო: Г. Пiдлiсна "Свiт античноi лiтератури", К., "Наукова думка", 1981, с. 71. ბმული: http://moazrovne.net/q/986პასუხი
-
შეკითხვა #987 © ვახტანგ ელერდაშვილი
2008 წელს ოცმილიონევროიანი პროექტი დამტკიცდა, კოდური სახელწოდებით „ფონდაციონე ბუჩინტორო“. ეს პროექტი მიზნად ისახავს 1798 წელს განადგურებული ნაგებობის აღდგენას. ყურადღება შეკითხვა: დაასახელეთ ქალაქი, სადაც მდებარეობდა ეს ნაგებობა.
პასუხი: ვენეცია კომენტარი: საუბარია დოჟების მთავარ გალერაზე „ბუცენტავრზე“ (იტალ. Bucintoro), რომელიც ნაპოლეონმა 1798 წელს დაანგრევინა ვენეციის რესპუბლიკის დამარცხების ნიშნად. წყარო: en.wikipedia.org/wiki/Bucentaur ბმული: http://moazrovne.net/q/987პასუხი
-
შეკითხვა #988 © ვახტანგ ელერდაშვილი
ერთ ჰოლივუდურ ჰორორის ჟანრის ფილმში სტუდენტების ჯგუფი პოულობს ინკვიზიციის დროინდელ არტეფაქტს, ერთგვარ სამაგიდო თამაშს, რომელშიც დამარცხებული არამხოლოდ ეთიშება მას, არამედ ჰკარგავს სიცოცხლესაც. თამაშის დასრულებას იუწყება კარტი, რომელზეც ორსიტყვიანი ლათინური ფრაზა აწერია. ყურადღება შეკითხვა: დაწერეთ ეს ორსიტყვიანი ლათინური ფრაზა.
პასუხი: Vae Victis კომენტარი: Vae Victis - ითარგმნება, როგორც „ვაი, დამარცხებულებს“. წყარო: ბმული: http://moazrovne.net/q/988პასუხი
- პაკეტის კომენტარები:
ყველა პასუხის გახსნა/დახურვა
